Woliʼ wen pʼojlel ticwal tiʼ petol pañimil | ¿Chuqui miʼ yʌl jiñi Biblia?

Ti julio ti 2022, ñumeñix ti pʼis bajcheʼ tsaʼ pʼojli ticwal.

•  «China miʼ sub chaʼan cʌlʌxix ticwal miʼ cajel ti 70 tejclum ti ili uw» (25 chaʼan julio, 2022, servicio de noticias de la CNN).

•  «Tsaʼ wen puli mateʼel ti Europa tiʼ caj jiñi ticwal» (17 chaʼan julio, 2022, The Guardian).

•  «Ti domingo, ti Estados Unidos an baqui ñumeñix ti pʼis jiñi ticwal tiʼ caj jiñi ticwal am bʌ ti yambʌ tejclum tac am bʌ yaʼi» (24 chaʼan julio, 2022, The New York Times).

¿Yom ba i yʌl chaʼan maʼañix mi caj lac mejlel ti chumtʌl ti Pañimil ti talto bʌ qʼuin? ¿Chuqui miʼ yʌl jiñi Biblia?

¿Tsaʼ ba wʌn ajli ti Biblia chaʼan cʌlʌxix miʼ cajel ticwal?

Tsaʼʌch. Jiñi Biblia tsiʼ yʌlʌ chaʼan jiñʌch muʼ bʌ i cajel ti ili ora. Jumpʼejl ejemplo, Jesús tsiʼ yʌlʌ chaʼan mi caj laj qʼuel «chuqui tac bʌbʌqʼuen bʌ» o «chuqui ñuc tac bʌ» (Lucas 21:11). Jiñi lac piʼʌlob woliʼ wen bʌcʼñañob cheʼ woliʼ bej pʼojlel jiñi ticwal i miʼ bʌcʼñañob chaʼan miʼ jisañob ili Lum.

¿Maʼañix ba mi caj i mejlel lac chumtan ili Lum?

Mucʼʌch, come Dios tsiʼ mele chaʼan miʼ mejlel lac chumtan tiʼ pejtelel ora (Salmo 115:16; Eclesiastés 1:4). Maʼañic mi caj i yʌcʼ chaʼan jiñi wiñicob miʼ jisañob ili Lum. Tsiʼ yʌcʼʌ i tʼan chaʼan mi caj i jisan «jiñi woli bʌ i jisañob pañimil» (Apocalipsis 11:18).

Laʼ laj qʼuel chaʼchajp tsaʼ bʌ i yʌlʌ Jehová chaʼan mi caj i mel ila ti Lum:

•  «Ti jim bʌ ora jini tiquin bʌ lum mi caj i yubin i tijicñʌyel. Miʼ caj ti nich yaʼ baʼ jochol jini lum» (Isaías 35:1). Dios maʼañic mi caj i yʌcʼ ti junyaj tiquin ili Lum, mucʼʌch caj i chaʼ tojʼesan.

•  «Maʼ ñaʼtan chuqui yom ti pañimil. Maʼ choc tilel jaʼal. Jini chaʼan wen anix i bʌl chaʼan maʼ wʌchʼesan» (Salmo 65:9). Dios mi caj i sujtesan ili Lum ti jumpʼejl paraíso.

Chaʼan maʼ ñumen ñaʼtan chaʼan jiñi cambio climático jumpʼejlʌch profecía woli bʌ i tsʼʌctiyel, pejcan jiñi tema «¿Qué dice la Biblia sobre el cambio climático y nuestro futuro?».

Chaʼan maʼ ñumen qʼuel chaʼan mucʼʌch caj i tojʼan ili Pañimil, qʼuele jiñi tema «¿Quién salvará el planeta?».