¿Chucoch maʼañic majqui miʼ mejlel i yʌcʼ ñʌchʼtʌlel? | ¿Chuqui miʼ yʌl jiñi Biblia?

Mi jiñic jiñi yumʌlob mi jiñicto jiñi organización tac tiʼ petol pañimil maʼañic an i yʌcʼʌyob ñʌchʼtʌlel. Ili ora wen an jatsʼ, tsʌnsa yicʼot guerra tac ñumento bajcheʼ ti jiñi Segunda guerra mundial. Cheʼ bʌ 2 mil millón lac piʼʌlob chumulob baqui an ili wocol tac.

¿Chucoch jiñi quixtañujob maʼañic miʼ mejlel i tajob ñʌchʼtʌlel? ¿Chuqui miʼ yʌl jiñi Biblia?

Uxchajp chucoch jiñi quixtañujob maʼañic miʼ mejlel i yʌcʼob ñʌchʼtʌlel

1. 1. Jiñi Biblia miʼ yʌl chaʼan ili ora «jiñi lac piʼʌlob mi caj i bajñel cʼuxbiñob i bʌ, mi caj i cʼuxbiñob taqʼuin, mi caj i qʼuelob i bʌ ti ñuc, chanchan jax mi caj i melob i bʌ, [...] maʼañic mi caj i pʌsob i xucʼtʌlel, [...] maʼañic mi caj i mulañob i sʌclan ñʌchʼtʌlel, [...] maʼañic mi caj i ticʼob i bʌ, wen jontolob, [...] miʼ waʼ melob chuqui yomob, ñumen ñuc mi caj i yubiñob i bʌ» (2 Timoteo 3:2-4).

2. 2. Jiñi quixtañujob, mach yʌlʌyic mi temelob o ti jujuntiquil, cojach miʼ mejlel i tojʼesañob jiñi wocol tiʼ coltaya Jehová,a jiñi tsaʼ bʌ i meleyonla. Jiñi Biblia miʼ yʌl chaʼan «maʼanic i ñaʼtʌbal winic chaʼan miʼ [...] bajñel yajcan i bijlel» (Jeremías 10:23).

3. 3. Jiñi pañimil an tiʼ cʼʌb juntiquil jontol bʌ yicʼot pʼʌtʌl bʌ yumʌl «woli bʌ i lotin pejtelel lac piʼʌlob». Jiñʌch Satanás, cʌmbil bʌ jaʼel bajcheʼ jiñi jontol bʌ. Cheʼ bʌ jiñi pañimil anto «tiʼ pʼʌtʌlel Satanás» mi caj i bej cajel wocol yicʼot guerra tac (Apocalipsis 12:9; 1 Juan 5:19).

¿Majqui mi caj i mejlel i yʌcʼ ñʌchʼtʌlel?

Jiñi Biblia miʼ yʌl chaʼan jiñʌch Dios muʼ bʌ caj i chʼʌm tilel ñʌchʼtʌlel, i mach jiñic jiñi quixtañujob.

• «Come cujil chuqui com c melbeñetla, cheʼen lac Yum. Com ñʌchʼʌletla. Mach comic miʼ tajetla wocol. Com cʌqʼueñetla chuqui utsʼat woli bʌ laʼ pijtan» (Jeremías 29:11).

¿Bajcheʼ mi caj i tsʼʌctesan Dios ili? Jiñi Biblia miʼ yʌl: «Tsʼitaʼ jax yom chaʼan jiñi Dios muʼ bʌ i yʌcʼ ñʌchʼtʌlel miʼ yʌcʼ Satanás tiʼ yebal laʼ woc chaʼan miʼ tʼuchtan» (Romanos 16:20). Dios mi caj i cʼʌn jumpʼejl yumʌntel am bʌ ti panchan chaʼan miʼ yʌcʼ ñʌchʼtʌlel ila ti pañimil. Jiñi Biblia miʼ yʌl chaʼan jiñʌch «jiñi i Yumʌntel Dios», i jiñi i Rey jiñʌch Jesucristo (Lucas 4:43). Cheʼ bʌ Jesús miʼ yuman ili Pañimil, jiñi quixtañujob mi caj i tajob i ñʌchʼtʌlel (Isaías 9:6, 7).

• Mi a wom a ñumen cʌn, pejcan jiñi temaj «¿Chuqui tac mi caj i mel jiñi i Yumʌntel Dios?».