Yan Zabolotnyi/stock.adobe.com
¡YOM CHɅN YɅXɅL LA CO!
Woliʼ ñumen pʼojlel jontolil tiʼ petol pañimil | ¿Chuqui miʼ yʌl jiñi Biblia?
Yaʼ ti Haití cʌlʌxix banda chaʼan maliantejob. Cheʼto jaʼel yaʼ ti Sudáfrica, México yicʼot yan tac bʌ país tsaʼix ñumen pʼojli jontolil, bajcheʼ jatsʼ, tsʌnsa yicʼot yan tac bʌ. I yaʼ baqui mach cʌlʌxic jontolil, jiñi lac piʼʌlob mucʼobʌch ti bʌqʼuen jaʼel come miʼ yubiñob chaʼan an muʼ bʌ i chaʼleñob xujchʼ, an muqʼuix bʌ i yochelob ti otot tac yicʼot an muʼ bʌ i yilo pulob chuqui jach miʼ tajob.
¿Chuqui miʼ yʌl jiñi Biblia chaʼan ñumen añix jontolil ti pañimil?
Jiñi Biblia tsiʼ wʌn alʌ chaʼan mi caj i ñumen pʼojlel jontolil
Jiñi Biblia tsiʼ yʌlʌ chaʼan tiʼ «yorajlel i jilibal pañimil» cʌlʌxix miʼ cajel jontolil, bajcheʼ jatsʼ, tsʌnsa yicʼot yan tac bʌ (Mateo 24:3). Jesucristo tsiʼ taja ti tʼan muʼ bʌ caj ti ujtel, i tsiʼ yʌlʌ:
«Cheʼ bʌ miʼ pʼojlel majlel jontolil, mi caj i tsʌñan i cʼuxbiya lʌcʼʌ tiʼ pejtelel quixtañujob» (Mateo 24:12).
Jiñi Biblia tsiʼ taja ti tʼan «jiñi cojix tac bʌ qʼuin» i tsiʼ yʌlʌ jaʼel bajcheʼ yilal miʼ cajel i melbal lac piʼʌlob: «Maʼañic mi caj i ticʼob i bʌ, wen jontolob, maʼañic mi caj i cʼuxbiñob chuqui wen» (2 Timoteo 3:1-5). Tiʼ caj chaʼan jiñi lac piʼʌlob mucʼ jach i bajñel sʌclañob i wenlel maʼañix miʼ chʼʌjmel ti ñuc i mandar jiñi yumʌlob.
Pero mach yomic i yʌl chaʼan maʼañix chuqui mi caj i mejlel. Jiñi Biblia miʼ yʌl chaʼan mach jalix yom chaʼan miʼ jisʌntel jiñi.
«Mach jalix mi caj i jilel jini mach bʌ anic miʼ ñop Dios. Cheʼ mi caj a qʼuel jini xjontolil mach yaʼix an. Jini utsoʼ bʌ i pusicʼal mi caj i yʌqʼuentelob i wenlel» (Salmo 37:10, 11).
¿Chuqui miʼ bej al jiñi Biblia chaʼan jiñi lac pijtaya muʼto bʌ i cajel ti talto bʌ qʼuin? ¿Chucoch miʼ mejlel a ñop chaʼan jiñi woli bʌ ti ujtel woliyʌch i tsʼʌctesan profecía tac? Mi caj i mejlel a cʌn ti ili tema tac:
Jumpʼejl i sujm bʌ pijtaya chaʼan miʼ tojʼan ili pañimil
¿Chuqui miʼ pʌs chaʼan añoñixla ti «jiñi cojix tac bʌ qʼuin»?