Jiñi internet: ¿Woli ba i tic’lan a walobilob? | Jiñi Biblia mi’ mejlel i coltan jiñi tatʌlob

«Jiñi i c’ʌñol internet an i yʌc’ʌ cha’an jiñi xcolelob mi’ tajob ansiedad, depresión o yan tac bʌ. Yomʌch mi’ coltʌntelob ti ora» (Vivek Murthy, director general de Salud Pública de Estados Unidos. New York Times, 17 de junio de 2024).

¿Chuqui mi’ mejlel i melob jiñi tatʌlob cha’an mi’ coltañob i yalobilob cha’an ma’añic mi’ tajob wocol ti internet? Jiñi Biblia mi’ yʌc’ wen tac bʌ tic’ojel.

Mu’ bʌ i mejlel i melob jiñi tatʌlob

Q’uele mu bʌ i yʌl jiñi Biblia.

«Jini cʌntesʌbil bʌ mi’ wen tsajin i bijlel» (Proverbios 14:15).

Jiñi xcolelob mi’ mejlel i tajob wocol tac ya’ ti internet che’ bajche’ i q’uelol mach tac bʌ weñic yic’ot mach bʌ weñic la camigojob. Jin cha’an mach xic’bilic cha’an mi’ c’ʌñob internet yic’ot yom ma’ wen ña’tan mi muq’uix i mejlel i tech i c’ʌñob internet i muc’ʌch i jac’ob jiñi tic’ojel tac mu’ bʌ a wʌq’uen.

• Mi a wom a ñumen cʌn pejcan ili tema «¿Yom ba mi’ c’ʌñob redes sociales jiñi calobilob?» yic’ot «Jiñi aplicación tac ti internet | Cʌntesan jiñi a walobil chaʼan miʼ cʼʌn ti wen».

C’ʌñʌla «ti wen jiñi i yorajlel am bʌ la’ cha’an» (Efesios 5:16).

Suben jiñi a walobilob chuqui yom bʌ mi’ melob che’ bʌ mi caj i c’ʌñob jiñi internet, mach bʌ yomic mi’ melob i bajche’ mi’ coltañob. Q’uele mi woli q’uextʌyel i melbal ti’ caj jiñi mi cheʌchi suben cha’an mach i cʌlʌx ñusan q’uin ti internet.

• Q’uele jiñi video Yom tsajilet cheʼ maʼ cʼʌn jiñi Internet am bʌ ti serie «Cuxul bʌ dibujo tac» cha’an ma’ coltan a walobilob i ña’tan chucoch mach yomic mi’ cʌlʌx ñusan q’uin ti internet.

Cha’an ma’ ñumen cʌn

Jiñi Biblia tsi’ wʌn alʌ cha’an «ti jiñi cojix tac bʌ q’uin wen wocol mi’ cajel yic’ot bʌbʌq’uen» (2 Timoteo 3:1-5). Che’ ja’el mi’ yʌq’ueñonla tic’ojel tac mu’ bʌ i coltañonla c’ʌlʌl ili ora. Ti ili artículo cha’an ansiedad, depresión yic’ot yan tac bʌ ti jiñi xcolelob mi caj a taj ñumen ti 20 artículo yic’ot video tac loq’uem bʌ ti Biblia cha’an jiñi tatʌlob yic’ot xcolelob.