¿Majqui miʼ mejlel lac ñop tiʼ tojlel? | ¿Chuqui miʼ yʌl jiñi Biblia?

Jiñi lac piʼʌlob mach tijicñayic miʼ yubiñob cheʼ bʌ jiñi muʼ bʌ i lon ñopob tiʼ tojlel maʼañic miʼ tsʼʌctesañob i tʼan. Cabʌl lac piʼʌlob maʼañix miʼ ñopob:

• Tiʼ tojlel jiñi políticojob come cojach miʼ bajñel ñaʼtañob i bʌ i mach jiñic jiñi lac piʼʌlob.

• Muʼ bʌ i yʌjlel ti noticia tac come cabʌl jax lot i maʼañic miʼ coltan jiñi lac piʼʌlob.

• Tiʼ tojlel jiñi científicojob muʼ bʌ i melob mach bʌ chaʼañic miʼ coltañob jiñi lac piʼʌlob.

• Tiʼ tojlel jiñi añoʼ bʌ i yeʼtel ti ñopbalʌl tac come ñumen ochemob tiʼ chaʼan bʌ política i mach jiñic tiʼ chaʼan bʌ Dios.

I sujmʌch chaʼan yomʌch mi lac wen qʼuel majqui mi caj lac ñopben i tʼan. Jiñi Biblia miʼ yʌl:

• «Mach mi laʼ wʌcʼ laʼ pusicʼal yicʼot jini yumʌlob ti pañimil, come winicob jach. Mach muqʼuic i coltañonla» (Salmo 146:3).

¿Majqui miʼ mejlel lac ñop tiʼ tojlel?

 Jiñi Biblia miʼ yʌl chaʼan añʌch majqui miʼ mejlel lac ñop tiʼ tojlel, jiñʌch: Jesucristo. Mach juntiquil jach wiñic tsaʼ bʌ chumle ti wajali tsaʼ bʌ i mele chuqui tac wen. Jiñi Biblia miʼ yʌl chaʼan Jesús, «mi caj i chaʼlen yumʌntel [...] tiʼ pejtelel ora. Jiñi i Yumʌntel maʼañic i jilibal» (Lucas 1:32, 33). Dios tsiʼ waʼchoco bajcheʼ Rey tiʼ Yumʌntel. Ili ora wolix ti yumʌntel ti panchan (Mateo 6:10).

• Chaʼan miʼ mejlel a ñaʼtan chucoch miʼ mejlel a ñop tiʼ tojlel Jesús, pejcan jiñi tema tac «¿Majqui mi caj i yajñel bajcheʼ Rey tiʼ Yumʌntel Dios?» yicʼot «¿Chuqui mi caj i mel jiñi i Yumʌntel Dios?».