Cʼajtiya tac chaʼan bʌ Biblia | Jiñi i Yumʌntel Dios | ¿Bajcheʼ mi caj i tajtʌl ñʌchʼtʌlel ila ti Pañimil?

I jacʼbal muʼ bʌ yʌcʼ jiñi Biblia

Ti talto bʌ qʼuin miʼ cajel ñʌchʼtʌlel ila ti Pañimil, jiñʌch i Yumʌntel Dios muʼ bʌ caj i yʌcʼ i mach jiñic jiñi wiñicob. Ili yumʌntel añʌch ti panchan i jiñi i Rey jiñʌch Jesucristo. Qʼuele chuqui miʼ yʌl jiñi Biblia chaʼan ili pijtaya.

1. Dios «miʼ yujtesan guerra cʼʌlʌl tiʼ pejtelel pañimil» chaʼan miʼ «tajob i ñʌchʼtʌlel ti pañimil jiñi quixtañujob utsʼat bʌ miʼ qʼuejlelob ti Dios» (Salmo 46:9, Lucas 2:14).

2. Jiñi i Yumʌntel Dios mi caj i yuman ili pañimil i mi caj i laj jisan pejtelel tʼox bʌ am bʌ tiʼ petol pañimil come ili jiñʌch muʼ bʌ i yʌcʼ ti tejchel contrajintel, junlajalix mi caj laj cajñel (Daniel 7:14).

3. Jesús, jiñi Rey bʌ ti Yumʌntel Dios, cʌmbil bajcheʼ «Xlajmesa leto». Jiñʌch mi caj i chʼʌm tilel ñʌchʼtʌlel mach bʌ añic miʼ jilel (Isaías 9:6,7).

4. Jiñi i Yumʌntel Dios mi caj i laj jisan jiñi muʼ bʌ i mulañob jontolil come Dios «miʼ tsʼaʼlen [...] muʼ bʌ i lon mulan jisaya» (Salmo 11:5; Proverbios 2:22).

5. Dios miʼ cʌntesan i wiñicob chaʼan miʼ chumtʌlob ti ñʌchʼtʌlel. Jiñi Biblia miʼ taj ti tʼan bajcheʼ miʼ cajel, miʼ yʌl: «Jini eʼtijibʌl chaʼan guerra mi caj i sujtel ti eʼtijibʌl chaʼan cholel. Maʼanix mi caj i chʌn chaʼlen contra jumpʼejl tejclum tiʼ tojlel yambʌ. Maʼanix mi caj i chʌn ñopob guerra» (Isaías 2:3, 4).

Jiñi i testigojob Jehová tiʼ petol pañimil miʼ chaʼleñob wersa chaʼan miʼ chʌn sʌclañob ñʌchʼtʌlel (Mateo 5:9). Chumulon lojon ti 230 país yicʼot territorio tac, pero mi juntiquilic miʼ yotsan i bʌ ti guerra chaʼan miʼ contrajin i piʼʌlob.