¿Chucoch cheʼ miʼ ñumelob ti jujumpʼejl otot?

Jesús tsiʼ choco majlel jiñi xcʌntʼañob i chaʼan ti wajali, chaʼan miʼ sutqʼuiñob ti «xcʌntʼañob wiñicob xʼixicob tiʼ pejtelel pañimil» (Mateo 28:19, 20). Cheʼ bʌ tsiʼ chocoyob majlel ti subtʼan, tsiʼ subeyob chaʼan yom miʼ majlelob ti yotot jiñi quixtañujob (Mateo 10:7, 11-13). Cheʼ bʌ tsaʼ chʌmi Jesús, jiñi ñaxam bʌ xñoptʼañob maʼañic tsiʼ cʌyʌ i subob jiñi wen tʼan ‹tiʼ wut wiñicob xʼixicob yicʼot ti jujumpʼejl otot.› (Hechos 5:42; 20:20). Ti ili ora, woli lon c chʌn lajin majlel jiñi ejemplo tsaʼ bʌ i pʌsʌyob jiñi ñaxam bʌ xñoptʼañob ti wajali, i qʼuelbil lon c chaʼan cheʼ bʌ mic julaʼtan lojon quixtañujob ti yotot mi’ yʌqʼueñob i tijicñʌyel.