¿Muʼ ba i ñopob Jesús jiñi i testigojob Jehová?

Mucʼʌch. Jesús tsiʼ yʌlʌ: «Joñon i bijlelon i sujmlelon, i cuxtʌlelon. Maʼañic majch miʼ cʼotel baʼan c Tat, jiñi jach am bʌ tic wenta» (Juan 14:6). Mi lon c ñop chaʼan Jesús tsajñi wʌʼ ti Pañimil yicʼot chaʼan tsiʼ yʌcʼʌ i cuxtʌlel mach bʌ xmulilic chaʼan miʼ ñusʌntel jiñi lac mul (Mateo 20:28). Miʼ mejlel i tajob i cuxtʌlel mach bʌ añic miʼ jilel jiñi muʼ bʌ i ñopob Jesús cheʼ tsaʼ chʌmi yicʼot cheʼ tsaʼ chaʼ tejchisʌnti (Juan 3:16). Cheʼ jaʼel, mi lac ñop chaʼan Jesús jiñʌch jiñi Rey yaʼ tiʼ Yumʌntel Dios am bʌ ti panchan, i mach jalix mi caj i chʼʌm tilel i ñʌchʼtilel ili Pañimil (Apocalipsis 11:15). Pero Jesús tsiʼ yʌlʌ jaʼel ili tʼan: «Ñumen ñuc c Tat bajcheʼ joñon» (Juan 14:28). Mic chʼujbin lojon ili tʼan, i maʼañic mi lon c ñop chaʼan Jesús jiñʌch jiñi Dios Mach bʌ Añic i Pʼisol i Pʼʌtʌlel. Jin chaʼan, maʼañic mi lon c chʼujutesan jiñi Jesús.