¿Am ba xʼixicob i testigojoʼ bʌ Jehová muʼ bʌ i chaʼleñob cʌntesa?

Añʌch. Ti lon c pejtelel bajcheʼ i testigojob Jehová mic chaʼlen lojon cʌntesan o mic chaʼlen lojon subtʼan, i cheʼ jaʼel an cabʌl millón xʼixicob muʼ bʌ i chaʼleñob subtʼan. Come jiñi Biblia mi yʌl: «Bajcʼʌl xʼixicob tsiʼ pam pucuyob» jiñi wen tʼan (Salmo 68:11).

Jiñi xʼixicob Testigojoʼ bʌ miʼ lajibeñob i melbal jiñi xucʼul bʌ xʼixicob muʼ bʌ i taj ti tʼan jiñi Biblia (Proverbios 31:10-​31). Anquese maʼañic miʼ melob ñuc tac bʌ eʼtel yaʼ ti congregación, pero mucʼʌch i chaʼleñob tsʌts bʌ eʼtel ti subtʼan yicʼot miʼ tsʼʌctesañob jiñi ñuc bʌ eʼtel cheʼ bʌ miʼ cʌntesan i yalobilob ti jiñi principio tac loqʼuem bʌ ti Biblia (Proverbios 1:8). Yicʼot miʼ coltañob jiñi yambʌlob cheʼ bʌ miʼ chaʼleñob wem bʌ tʼan yicʼot cheʼ weñob i melbal (Tito 2:​3-5).