¿Chuqui yom i yʌl chaʼan jatet cheʼ tsaʼ chʌmi Jesús?

Jesús tsaʼ chʌmi chaʼan mi lac taj laj cuxtʌlel (Juan 3:16)

Cheʼ anix uxpʼejl qʼuin i chʌmel Jesús, lamital xʼixicob tsaʼ majliyob yaʼ baqui an jini mucoñibʌl, pero jocholix tsiʼ tajayob. Jioba tsaʼix i teche chʼojyel.

Ti wiʼil Jesús tsiʼ pʌsʌ i bʌ tiʼ tojlel i apóstolob.

Jioba, tsiʼ teche chʼojyel Jesús bajcheʼ juntiquil espíritu wen pʼʌtʌl bʌ, yicʼot maʼanix miʼ caj ti chʌmel. Jini xcʌntʼañob i chaʼan tsiʼ qʼueleyob cheʼ bʌ tsaʼ cʼʌjqui majlel ti panchan.

Dios tsiʼ teche chʼojyel Jesús, i tsaʼ waʼchoconti ti Rey chaʼan i Yumʌntel Dios (Daniel 7:13, 14)

Jesús tsiʼ yʌcʼʌ i cuxtʌlel chaʼan miʼ toj jini mulil am bʌ tiʼ tojlel winicob xʼixicob (Mateo 20:28). Cheʼ tsaʼ locʼsʌntiyonla ti mulil, Dios tsaʼ mejli yʌqʼueñonla c taj laj cuxtʌlel mach bʌ anic miʼ jilel.

Jioba tsiʼ waʼchoco Jesús bajcheʼ rey chaʼan miʼ chaʼlen yumʌntel ti Pañimil. Mi caj i chaʼlen yumʌntel yicʼot jaʼel jini 144,000 winicob xʼixicob xucʼuloʼ bʌ, tsaʼ bʌ tejchesʌntiyob chʼojyel chaʼan miʼ chumtʌlob ti panchan. Jesús yicʼot jini 144,000 winicob xʼixicob mi caj yochelob ti yumʌl yaʼ ti panchan, iliyi jiñʌch i Yumʌntel Dios (Apocalipsis 14:1-3).

Jini i Yumʌntel Dios mi caj i sujtesan ti jumpʼejl paraíso jini Pañimil. Maʼanix miʼ cajel guerra, tsʌnsa, wiʼñal, yicʼot maʼanix miʼ cajel pʼumpʼuñiyel. Tijicña miʼcaj i yajñelob jini winicob xʼixicob (Salmo 145:16).