«Um baʼ añon c Yum. Chocoyon majlel»

Utsʼatax chaʼan mi lac lajin jiñi wem bʌ i melbal Isaías. Tsiʼ pʌsʌ chaʼan añʌch i chʼujbiya i tsaʼ majli baqui tsaʼ subenti anquese maʼañic miʼ wen ñaʼtan bajcheʼ yilal baqui mi caj i majlel (Is. 6:8). ¿Muʼ baʼ mejlel a ñaʼtan a wicʼot a familia chaʼan mi laʼ chaʼlen coltaya baqui anto yom xsubtʼañob? (Sal. 110:3). Isujmʌch, yom mi lac ñaxan wen ñaʼtan (Lc. 14:27, 28). Pero añʌch chuqui yom mi laj cʌy chaʼan mi lac ñumen sub jiñi wen tʼan (Mt. 8:20; Mr. 10:28-30). Cheʼ bajcheʼ miʼ pʌs jiñi video Tsaʼ majliyon lon ti coltaya ti yambʌ parte, ñumen cabʌl jiñi bendición muʼ bʌ lac taj cheʼ mi lac melben i yeʼtel Jehová i mach lajalic bajcheʼ jiñi muʼ bʌ laj cʌy.

CHEʼ BɅ TSAʼIX LAʼ QʼUELE JIÑI VIDEO, JACʼɅLA ILIYI:

• ¿Chuqui tsiʼ mele jiñi familia Williams chaʼan miʼ majlelob ti Ecuador?

• ¿Chuqui tsiʼ coltayob i ñaʼtan baqui mi caj i majlelob?

• ¿Chuqui ti bendición tac tsiʼ tajayob?

• ¿Bajcheʼ miʼ mejlel lac ñaʼtan baqui anto yom xsubtʼañob?

TSAJINLA ILIYI TI JIÑI YAMBɅ LAʼ CHʼUJUTESAYA TI FAMILIA:

• ¿Chuqui miʼ mejlel lac mel ti lac familia chaʼan mi lac ñumen chaʼlen subtʼan? (km-S 8/11 i yopol 4-6).

• ¿Bajcheʼ miʼ mejlel lac chaʼlen coltaya ti laj congregación mi maʼañic mi lac mejlel ti coltaya ti yambʌ parte? (w16.03-S i yopol 23-25).