Miʼ cajel ti loqʼuel cheʼ ti septiembre yaʼ ti Jun chaʼan lac tempa bʌ yambʌ junchajp bajcheʼ miʼ mejlel la cʌcʼ jiñi jun tac, i cʼabaʼ «Laʼ lac pʌs jiñi i sujmlel». Mi caj lac pʌs jiñi ñaxam bʌ cʌntesa tac am bʌ yaʼ ti Biblia ti jumpʼejl cʼajtiya yicʼot ti jumpʼejl texto.

Mi yomʌch i bej cʌn, miʼ mejlel laj cʌyben jumpʼejl jun o lac pʌsben jumpʼejl video am bʌ ti jw.org chaʼan mi lac chajpan cʌytʌl jiñi revisita. Yom mi lac seb julaʼtañob. Jiñi tsijiʼ bʌ temaj tac yaʼ mi caj i loqʼuel ti jiñi recuadro baqui miʼ yʌl «Muʼ bʌ i cʌntesañonla jiñi Biblia» ti jiñi libro ¿Chuqui miʼ cʌntesañonla tiʼ sujmlel jiñi Biblia? Ti jujumpʼejl recuadro miʼ tilel muʼ bʌ i mejlel lac cʼʌn ti mel revisita o estudio cheʼ bʌ cojach mi laj cʼʌn jiñi Biblia.

Jumpʼejl jach i bijlel laj cuxtʌlel (Mt. 7:13, 14). Jiñi muʼ bʌ lac pejcañob mach lajalic chuqui miʼ ñopob yicʼot baʼ tilemob, jin chaʼan yom wen utsʼatax mi lac pʌsbeñob jiñi i sujmlel am bʌ ti Biblia chaʼan miʼ mulan i bej cʌñob (1 Ti. 2:4). Cheʼ bʌ mi laj cʌn jiñi temaj tac am bʌ ti Biblia yicʼot cheʼ mi laj cʼʌn ti «utsʼat jini isujm bʌ tʼan», ñumen tijicña mi caj la cubin yicʼot wen chuqui mi caj lac taj cheʼ bʌ mi lac pʌsben i sujmlel jiñi quixtañujob (2 Ti. 2:15).

Cabʌl yomoʼ bʌ tijicñesʌntel tiʼ petol mulawil (Ec. 4:1). Laʼ lac chaʼlen wersa tiʼ pucol jiñi Lac Tsictesʌbentel i chaʼan septiembre, muʼ bʌ i yʌl chaʼan i tijicñʌyel lac pusicʼal. Maʼañic mi caj laj cʌy ili revista mi maʼañic majqui an yaʼ ti otot tac. Come com lac pejcañob chaʼan lac tijicñesʌbeñob i pusicʼal.

¿CHUQUI MIʼ MEJLEL LA CɅL?

«Miʼ cʼotel i yorajlel cheʼ bʌ la com miʼ tijicñesañob lac pusicʼal, pero ¿baqui miʼ mejlel lac taj? [Pejcan 2 Corintios 1:3, 4]. Ili Lac Tsictesʌbentel miʼ yʌl bajcheʼ miʼ tijicñesañonla Dios».

Mi yom to i ñumen cʌn yicʼot mi tsaʼʌch i chʼʌmʌ jiñi revista:

PɅSBEN JIÑI VIDEO ¿CHUCOCH YOM MI LAC PEJCAN JIÑI BIBLIA?

Cheʼ jiñi, suben chaʼan a wom a wʌqʼuen jumpʼejl estudio.

CHAJPAN CɅYTɅL JIÑI REVISITA

Melben jumpʼejl cʼajtiya chaʼan maʼ jacʼben cheʼ bʌ maʼ chaʼ julaʼtan, cheʼ bajcheʼ iliyi: ¿Chucoch miʼ yʌcʼ ti ujtel Dios jiñi ilaya wocol?