«Qʼuele ti ñuc a tat a ñaʼ»

Cheʼ bʌ tsajñi Jesús wʌʼ ti Lum, tiʼ chaʼ alʌ ili mandar: «Qʼuele ti ñuc a tat a ñaʼ» (Éx. 20:12; Mt. 15:4). Jesús tsaʼ mejli i yʌl ili come tsaʼʌch i jacʼbe i tʼan i tat i ñaʼ cheʼ bʌ xcolelto (Lc. 2:51). Cheʼ jaʼel, tsiʼ qʼuele cʌytʌl chaʼan jiñi i ñaʼ luʼ an i cʼʌjñibal bʌ i chaʼan cheʼ bʌ maʼañix yaʼan yicʼot (Jn. 19:26, 27).

Ti ili ora, jiñi xcolelob miʼ pʌsob chaʼan miʼ qʼuelob ti ñuc i tat i ñaʼ cheʼ miʼ jacʼbeñob i tʼan yicʼot cheʼ wen jach miʼ pejcañob. Jin chaʼan, miʼ mejlel la cʌl chaʼan jiñi mandar maʼañic miʼ jilel. Anquese ñoxobix jiñi lac tat lac ñaʼ, mi laj qʼuelob ti ñuc cheʼ mucʼʌch lac jacʼbeñob chuqui miʼ subeñoñobla (Pr. 23:22). Yambʌ bajcheʼ mi laj qʼuelob ti ñuc jiñʌch cheʼ mi lac tijicñesʌbeñob i pusicʼal yicʼot cheʼ mi laj coltañob ti taqʼuin (1 Ti. 5:8). xColelontola o mach jiñiquix, yambʌ bajcheʼ mi laj qʼuelob ti ñuc jiñʌch cheʼ maʼañic mi laj cʌy lac pejcañob.

CHEʼ BɅ TSAʼIX A QʼUELE JIÑI VIDEO ¿BAJCHEʼ YOM MAʼ PEJCAN A TAT A ÑAʼ?, JACʼɅ ILI CʼAJTIYA TAC:

• ¿Chucoch an i tajol wocol maʼ wubin maʼ pejcan a tat a ñaʼ?

• ¿Bajcheʼ miʼ mejlel a pʌs chaʼan maʼ qʼuel ti ñuc a tat a ñaʼ cheʼ bʌ maʼ pejcañob?

  

• ¿Chucoch weñʌch cheʼ maʼ chaʼlen wersa a pejcan a tat a ñaʼ? (Pr. 15:22).