¿Chuqui maʼ taj yaʼ ti lon c pájina chaʼan internet?

Jesucristo tsiʼ sube jini xcʌntʼañob i chaʼan: «Cheʼ yom mi laʼ pʌsbeñob winicob xʼixicob laʼ sʌclel yicʼot wen bʌ laʼ weʼtel. Cheʼ miʼ qʼuelob mi caj i tsictesañob i ñuclel laʼ Tat am bʌ ti panchan» (Mateo 5:16). Jin chaʼan i testigojob Jehová woli i cʼʌñob ti wen jini tecnología, cheʼ bajcheʼ jini internet. Jini lon c pájina ti internet, jw.org/ctu, jiñʌch baqui miʼ mejlel a taj i sujmlel bʌ chaʼan i testigojob Jehová, chuqui ñopolob i chaʼan yicʼot chuqui miʼ melob. ¿Chuqui mi caj a taj yaʼi?

I jacʼbal loqʼuem bʌ ti Biblia chaʼan jini cʼajtiya tac muʼ bʌ i melob winicob xʼixicob. Miʼ mejlel a tajben i jacʼbal jini ñuc tac bʌ cʼajtiya am bʌ i meleyob winicob xʼixicob. Jumpʼejl ejemplo, jiñi tratado ¿Muʼ ba caj laj cʌy laj quilan wocol baʼ ora? yicʼot jiñi ¿Muʼ ba caj i chaʼ tejchelob chʼojyel jini chʌmeñoʼ bʌ? miʼ mejlel a taj ñumen ti 600 tʼan tac. Cheʼ jaʼel miʼ mejlel a taj jini Traducción del Nuevo Mundo ñumen ti 130 tʼan tac yicʼot miʼ mejlel a taj cabʌl jun tac muʼ bʌ i coltañet chaʼan maʼ chʼʌmben isujm jini Biblia, cheʼ bajcheʼ jini libro ¿Chuqui mi’ cʌntesañonla ti’ sujmlel jiñi Biblia?, yicʼot jini Lac Tsictesʌbentel yicʼot ¡Despertad! tsaʼ jax to bʌ loqʼui. Jini yan tac bʌ jun loqʼuem bʌ ti Biblia, miʼ mejlel a pejcan o chaʼan maʼ ñichʼtan yaʼ ti internet, miʼ mejlel a chaʼlen ti descargar ti MP3, PDF o EPUB. Miʼ mejlel a chaʼlen ti imprimir ti yambʌ tʼan tac jaʼel chaʼan maʼ wʌqʼuen yujil bʌ jini tʼan. Jini video miʼ mejlel ti cabʌl lenguaje tac ti señas. Miʼ mejlel a juʼsan jaʼel baqui miʼ pejcʌntel Biblia, drama loqʼuem bʌ ti Biblia yicʼot música wem bʌ ti ñʌchʼtʌntel.

Muʼ bʌ i melob i testigojob Jehová. Cheʼ jaʼel miʼ mejlel a taj chuqui woliʼ melob i testigojob Jehová yicʼot video tac chaʼan queʼtel lojon tiʼ pejtelel pañimil, jini wocol tac tsaʼix bʌ i tojʼesayob yicʼot cheʼ mic chaʼlen lojon wersa chaʼan mic chaʼlen lojon coltaya. Miʼ mejlel a qʼuel jaʼel, jala miʼ cajel jini colem tempa bʌ yicʼot miʼ mejlel a taj bajcheʼ miʼ mejlel a chaʼlen tʼan yaʼ ti Betel.

Cheʼ bajcheʼ iliyi, mi lac pʌsbeñob winicob xʼixicob lac sʌclel ti pejtelel pañimil. Miʼ tajob i wenlel jaʼel jinto jini yaʼ bʌ chumulob ti tejclum baqui cʌlʌx tsʌñal, i cʼabaʼ Antártida. Mic mel lojon oración «chaʼan ora miʼ pʼojlel i tʼan lac yum [Jehová]» tiʼ pejtelel pañimil, chaʼan i ñuclel (2 Tesalonicenses 3:1).

• ¿Bajcheʼ woliʼ chaʼlen coltaya jini pájina ti internet jw.org/ctu, chaʼan cabʌl winicob xʼixicob miʼ cʌñob i sujmlel am bʌ ti Biblia?

• ¿Chuqui a wom a qʼuel yaʼ ti lon c pájina?