Ñumen weñʼesan a subtʼan: Cʌyʌ a wʌqʼuen estudio jiñi quixtañu mi maʼañic woliʼ qʼuextan i melbal

¿CHUCOCH ÑUC I CʼɅJÑIBAL? Jiñi quixtañujob yom miʼ pejcañob Jehová tiʼ cʼabaʼ chaʼan miʼ coltʌntelob (Ro. 10:13, 14). Pero mach tiʼ pejtelelic muʼ bʌ la cʌqʼueñob estudio miʼ jacʼbeñob i mandar Jehová. Chaʼan wen mi laj cʼʌn jiñi ora ti lac subtʼan, laʼ laj coltan jiñi yomoʼ bʌ i qʼuextan i melbal chaʼan utsʼat miʼ qʼuejlelob ti Jehová. Jin chaʼan, mi an juntiquil añix bʌ ora i cajel ti estudio pero maʼañic woliʼ qʼuextan i melbal, yom mi laj cʌy la cʌqʼuen estudio i mi laj coltan jiñi pʌybiloʼ bʌ i chaʼan Jehová tiʼ yorganización (Jn. 6:44). Pero mi tsaʼ cʼoti i qʼuextan i melbal i miʼ pʌs chaʼan ‹yomʌch i taj i cuxtʌlel› miʼ mejlel lac chaʼ aqʼuen jiñi estudio (Hch. 13:48).

¿BAJCHEʼ YOM MIʼ MEJLEL?

• Aqʼuen i yubin i tijicñʌyel jiñi woli bʌ a wʌqʼuen estudio come yomʌch i cʌn jiñi i sujmlel am bʌ ti Biblia (1 Ti. 2:4).

• Cʼajtesʌben chaʼan ñucʌch i cʼʌjñibal cheʼ miʼ jacʼ jiñi woli bʌ i cʌn majlel (Lc. 6:46-49).

• Tsajin a wicʼot jiñi woli bʌ a wʌqʼuen estudio jiñi lajiya chaʼan jiñi xpacʼ, i coltan chaʼan miʼ qʼuel chucoch maʼañic woliʼ colel majlel tiʼ chaʼan bʌ Dios (Mt. 13:18-23).

• Tsictesʌben ti wen jach bʌ tʼan chucoch mi caj a cʌy a wʌqʼuen estudio.

• Suben chaʼan mi caj a bixel pejcan yicʼot a julaʼtan, i chaʼan miʼ mejlel i chaʼ tech jiñi estudio mi tsaʼ caji i mel jiñi cʌmbilix bʌ i chaʼan.

CHEʼ BɅ TSAʼIX A QʼUELE JIÑI VIDEO, JACʼɅ ILI CʼAJTIYA TAC:

• ¿Bajcheʼ tsiʼ pʌsʌ jiñi woli bʌ i chʼʌm estudio chaʼan maʼañic woliʼ colel majlel tiʼ chaʼan bʌ Jehová?

• ¿Chuqui tsiʼ mele jiñi xsubtʼan chaʼan miʼ coltan i chʼʌmben isujm jiñi woli bʌ ti estudio chaʼan yom miʼ qʼuextan i melbal?

• ¿Bajcheʼ tsaʼ tsictesʌbenti jiñi woli bʌ ti estudio chaʼan mucʼʌch i mejlel i chaʼ chʼʌm jiñi estudio ti wiʼil?