Yom toj yicʼot isujm chuqui maʼ wʌl

Lucas 1:3

YOM BɅ MIʼ CɅJÑEL: Jiñi jun o yan tac bʌ muʼ bʌ a cʼʌn yomʌch isujm chuqui miʼ yʌl chaʼan toj bajcheʼ miʼ ñaʼtañob jiñi woli bʌ i ñʌchʼtañetob.

¿BAJCHEʼ MI LAC MEL?

• Cʼʌñʌ jun tac o yan tac bʌ muʼ bʌ i yʌl chuqui isujm. Jiñi muʼ bʌ a wʌl yomʌch chucul yaʼ ti Biblia. Mi mucʼʌch a mejlel yaʼʌch yom maʼ pejcan. Mi an chuqui mi caj a wʌl i chaʼan bʌ ciencia, jumpʼejl noticia, jumpʼejl experiencia o yan tac bʌ, ñaxan wen qʼuele mi isujmʌch yicʼot mi muqʼuixto i mejlel ti cʼʌjñel.

• Yom wen maʼ cʼʌn. Cheʼ maʼ tsictesan jumpʼejl texto, ñaʼtan pejtelel muʼ bʌ i yʌl jiñi relato, baqui bʌ i temajlel jiñi Biblia yicʼot chuqui miʼ yʌl jiñi jun tac melbil bʌ i chaʼan «jini xucʼul bʌ xʼeʼtel am bʌ cabʌl i ñaʼtʌbal» (Mt. 24:45). Mi tsaʼ cʼʌñʌ jun tac mach bʌ i chaʼañic jiñi organización mach a yʌmben i sujmlel yicʼot mach a wʌl maʼañic bʌ tsiʼ yʌlʌ tsaʼ bʌ i mele jiñi jun.

• Coltañob i chʼʌmben isujm jiñi woli bʌ i ñʌchʼtañetob. Cheʼ bʌ tsaʼix a pejca jumpʼejl texto o tsaʼ taja ti tʼan jumpʼejl jun, mele ti wen jiñi cʼajtiya tac o alʌ jumpʼejl lajiya chaʼan miʼ cʼotel i ñaʼtañob chuqui woli a wʌl.