Maʼ mejlel ti subtʼan yicʼot ti cʌntesa

Ti ñaxan, Moisés mach chajpʌbilic tsiʼ yubi i bʌ chaʼan miʼ tsʼʌctesan jiñi eʼtel tsaʼ bʌ aqʼuenti ti Dios (Éx. 4:10, 13). ¿Am baʼ wubi a bʌ jaʼel bajcheʼ Moisés? ¿Woli baʼ chʼʌm estudio yicʼot jiñi i testigojob Jehová i maʼ cʼajtiben a bʌ miʼ mucʼʌch caj a mejlel ti subtʼan ti otot tac? ¿xColeletto ba i maʼ bʌcʼñan subtʼan ti escuela? o ¿muʼ baʼ bʌcʼñan subtʼan ti teléfono o yaʼ baqui miʼ ñumel cabʌl quixtañujob? Mi cheʼ maʼ wubin a bʌ bajcheʼ jiñi, cʼajtiben Jehová chaʼan miʼ yʌqʼueñet jiñi chʼujul bʌ i yespíritu chaʼan miʼ coltañet (1 P. 4:11). Jehová mucʼʌch caj i coltañet chaʼan maʼ tsʼʌctesan jiñi eʼtel tac muʼ bʌ i yʌqʼueñet (Éx. 4:11, 12).

CHEʼ BɅ TSAʼIX LAʼ QʼUELE JIÑI VIDEO YOM CHʼEJLETLA, XSUBTʼAÑOB, JACʼɅ ILI CʼAJTIYA TAC:

• ¿Chuqui ti wocol tsiʼ ñusa jiñi hermana Aoyama?

• ¿Chuqui tsiʼ colta chaʼan miʼ taj i pʼʌtʌlel yicʼot i chʼejlel? (Jer. 20:7-9).

• ¿Chuqui ti wenlel tsiʼ taja cheʼ bʌ tsaʼ caji i ñumen melben i yeʼtel Jehová ti tsʼʌcʌl?

• ¿Chuqui tac ti wocol am bʌ a taja yaʼ ti a subtʼan baqui miʼ mejlel i coltañet Jehová?