I referenciajlel jiñi Jun chaʼan lac tempa bʌ I Subtʼan yicʼot i Melbal jiñi xÑoptʼan
2-8 I CHAʼAN NOVIEMBRE
ÑUC TAC BɅ I CʼɅJÑIBAL TI BIBLIA | ÉXODO 39, 40
«Moisés tsaʼʌch i mele bajcheʼ tsaʼ subenti»
Laʼ lac sʌclan ñuc tac bʌ i cʼʌjñibal
(Éxodo 40:34, I tʼan Dios [ITD]) Jini Tocal tsaʼ ajni yicʼotob. Tsiʼ moso jini otot baʼ miʼ tempañob i bʌ. I ñuclel lac Yum tsaʼ bujtʼi ti jini otot.
w15 15/7 21 párr. 1
¿Ñuc ba i cʼʌjñibal cheʼ miʼ qʼuejlel jiñi la queʼtel?
Jiñi Biblia miʼ yʌl chaʼan jiñi tocal «tsiʼ moso jini otot baʼ miʼ tempañob i bʌ. I ñuclel lac Yum tsaʼ bujtʼi ti jini otot» cheʼ bʌ tsaʼ ujti jiñi eʼtel tac (Éx. 40:34). Cheʼ bʌ Jehová tsiʼ mele iliyi, tsiʼ jamʌ pʌsʌ chaʼan tsaʼʌch i chʼʌmʌ yicʼot chaʼan miʼ qʼuel ti ñuc jiñi eʼtel tsaʼ bʌ i meleyob jiñi israelitajob. ¿Bajcheʼ yubil tsiʼ yubiyob i bʌ Bezalel yicʼot Oholiab ti jimbʌ ora? Anquese maʼañic tiʼ tsʼijbuyob cʌytʌl i cʼabaʼ chaʼan miʼ yʌcʼob ti cʌñol chaʼan jin tsiʼ meleyob jiñi eʼtel, tijicñayʌch tsiʼ yubiyob i bʌ cheʼ bʌ tsiʼ qʼueleyob chaʼan Jehová tsaʼʌch i chʼʌmʌ (Pr. 10:22). I cheʼ bʌ tsaʼ ñumi majlel jiñi qʼuin, ñumen tijicña tsiʼ yubiyob i bʌ cheʼ bʌ tsiʼ qʼueleyob chaʼan pejtelel jiñi tsaʼ bʌ i meleyob tsaʼ caji ti bej cʼʌjñel chaʼan miʼ chʼujutesʌntel Jehová. Jin chaʼan, cheʼ baqui ora mi caj i chaʼ tejchelob chʼojyel mi caj i toj sajtelob i pusicʼal cheʼ bʌ mi caj i yubiñob chaʼan jiñi tabernáculo 500 jab tsaʼ cʼʌjñibʌyi chaʼan miʼ yʌqʼuentel i ñuclel Jehová.
9-15 I CHAʼAN NOVIEMBRE
ÑUC TAC BɅ I CʼɅJÑIBAL TI BIBLIA | LEVÍTICO 1-3
«¿Chuqui i cʼʌjñibal jujunchajp jiñi majtañʌl?»
Laʼ lac sʌclan ñuc tac bʌ i cʼʌjñibal
(Levítico 2:13, ITD) Yom maʼ wotsʌben i yʌtsʼmil pejtelel majtañʌl muʼ bʌ a wʌqʼueñon, come jini atsʼam miʼ yʌcʼ tiʼ ñaʼtʌntel jini xucʼul bʌ tʼan tsaʼ bʌ cʌqʼueyetla.
(Ezequiel 43:24, ITD) Cheʼ jini yom maʼ wʌcʼ tiʼ tojlel lac Yum. Jini motomajob an tiʼ wenta chaʼan miʼ yotsʌbeñob i yʌtsʼmil. Cheʼ jini miʼ yʌcʼob chaʼan i majtan lac Yum.
w04 15/5 22 párr. 1
Ñuc tac bʌ cʌntesʌntel am bʌ ti Levítico
2:13. ¿Chucoch yomʌch miʼ chʼʌjmel majlel jaʼel jiñi atsʼam cheʼ bʌ miʼ yʌjqʼuel jiñi majtañʌl? Mach chaʼañic miʼ ñumen aqʼuentel i sumuclel jiñi weʼelʌl. Jiñi atsʼam i cʼʌjñibal chaʼan maʼañic miʼ yʌsiyel jiñi weʼelʌl. Jin chaʼan, tajol mucʼʌch i chʼʌjmel majlel jiñi atsʼam chaʼan miʼ yʌjqʼuel ti ñaʼtʌntel chaʼan sʌcʌch jiñi majtañʌl.
(Levítico 3:17, ITD) Yom chʌn cʼajal laʼ chaʼan tiʼ pejtelel ora, baqui jach mi laʼ majlel chaʼan mach mejlic laʼ wis cʼux pejtelel i lewil yicʼot i chʼichʼel.
¿Chuqui mi laj cʌn ti jiñi libro i chaʼan Levítico?
10 I yuxpʼejlel laj cʌntesʌntel: Mi la cʌqʼuen chuqui ñumen wem bʌ Jehová come mi laj cʼuxbin. Jehová tsiʼ yʌlʌ chaʼan tiʼ wut jiñʌch ñumen wen i lewil jiñi añimal. Cheʼ jaʼel, tsiʼ yʌlʌ chaʼan an tac am bʌ i chaʼan jiñi añimal yom bʌ mi yʌqʼuentel bajcheʼ jiñi cuchoʼtun wen ñuc bʌ i cʼʌjñibal tiʼ tojlel (pejcan Levítico 3:6, 12, 14-16). Jin chaʼan, jiñi Jehová wen tijicña miʼ yubin i bʌ cheʼ juntiquil israelita miʼ ñaʼtan tiʼ bajñel pusicʼal i yʌqʼuen chuqui an tac bʌ i chaʼan jiñi añimal yicʼot i lewil. Jiñi muʼ bʌ i yʌcʼ jiñi majtañʌl miʼ pʌs chaʼan yoque yom i yʌqʼuen chuqui wen jiñi Jehová. Lajal jaʼel, Jesús tsiʼ yʌqʼue chuqui wen i Tat cheʼ bʌ tiʼ pejtelel i pusicʼal tsiʼ melbe i yeʼtel come miʼ wen cʼuxbin (Jn. 14:31). Jiñi Jesús wen tijicña miʼ yubin i bʌ cheʼ mi mel chuqui yom Dios yicʼot miʼ wen cʼuxbiben i mandar (Sal. 40:8). ¡Wen tijicña tiʼ yubi i bʌ Jehová cheʼ bʌ tsiʼ qʼuele chaʼan jiñi i yalobil yom i melben i yeʼtel!
11 Jiñi majtañʌl tac tsaʼ bʌ i yʌqʼueyob Dios jiñi israelitajob chaʼan wocolix i yʌlʌ tsaʼ loqʼui tiʼ bajñel pusicʼalob i miʼ yʌcʼob chaʼan miʼ cʼuxbiñob Dios. Jiñi eʼtel muʼ bʌ lac melben Jehová lajal bajcheʼ jiñi majtañʌl tac come ti bajñel lac pusicʼal mi lac pʌsben Jehová chuqui mi la cubin tiʼ tojlel. Mi la cʌqʼuen chuqui wen, i mi lac mel come tiʼ pejtelel lac pusicʼal mi laj cʼuxbin. Wen tijicña miʼ yubin i bʌ cheʼ bʌ miʼ qʼuel yonlel i wiñicob woli (yʌquel) bʌ i melbeñob i yeʼtel come miʼ wen cʼuxbiñob yicʼot i mandar tac. Miʼ ñuqʼuesan lac pusicʼal cheʼ mi laj cʼajtesan chaʼan miʼ qʼuel ti ñuc chuqui mi lac mel yicʼot chaʼan chuqui miʼ ñijcañonla. Jumpʼejl ejemplo, mi añix lac jabilel i miʼ mʌctañonla chaʼan mi lac melben i yeʼtel cheʼ bajcheʼ cʼamel la com, miʼ mejlel lac ñop chaʼan Jehová mach jiñic miʼ qʼuel chuqui mach mejlix lac mel. Tajol mi lac ñaʼtan chaʼan maʼañix chuqui miʼ mejlel lac wen aqʼuen, pero miʼ qʼuel chaʼan jiñi laj cʼuxbiya miʼ ñijcañonla lac melben i yeʼtel cheʼ bajcheʼ cʼamel mi lac mejlel. Wen tijicña miʼ chʼʌm mejlto bʌ la cʌqʼuen.
16-22 I CHAʼAN NOVIEMBRE
ÑUC TAC BɅ I CʼɅJÑIBAL TI BIBLIA | LEVÍTICO 4, 5
«Laʼ la cʌqʼuen Jehová jiñi ñumen wem bʌ»
(Levítico 5:7, ITD) Mi maʼanic i tojol jini alʌ tat tiñʌmeʼ chaʼan miʼ yʌqʼueñon, laʼ i chʼʌmbeñon tilel chaʼcojt xpuruwoc mi chaʼcojt xʼucujts, juncojt chaʼan majtañʌl chaʼan mulil, yambʌ chaʼan majtañʌl muʼ bʌ c pulbentel.
(Levítico 5:11, ITD) Mi pʼumpʼun jini winic, mi mach mejlic i yʌcʼ chaʼcojt xpuruwoc mi chaʼcojt xʼujcuts, yom miʼ chʼʌm tilel jumpʼis juchʼbil bʌ harina chaʼan i ñusʌntel i mul. Mach yomic miʼ xajcʼun yicʼot aceite. Mach yomic miʼ yʌqʼuen pom, come majtañʌlʌch chaʼan mulil.
Laʼ la cʌqʼuen i ñuclel Jehová ti congregación
4 Jehová yujil chaʼan mach junlajalic chuqui miʼ mejlel lac mel yicʼot bajcheʼ añonla, i mucʼʌch i qʼuel ti ñuc muʼ bʌ i mejlel la cʌqʼuen. Laʼ lac ñaʼtan bajcheʼ yilal jiñi majtañʌl tac tsaʼ bʌ i chʼʌmʌ tiʼ tojlel israelob. Jiñi mucʼʌch bʌ i mejlelob, miʼ yʌcʼob juncojt alʌ chʼoc tʌñʌmeʼ o chʼoc chivo. Jiñi pʼumpʼuñoʼ bʌ miʼ mejlel i yʌcʼob ‹chaʼcojt xpuruwoc o chaʼcojt xʼucujts›. Pero mi an maʼañic bʌ miʼ mejlel i yʌc iliyi, Jehová miʼ chʼʌm jaʼel jumpʼis harina (Lv. 5:7, 11). Anquese jiñi harina mach wen letsic i tojol, Jehová mucʼʌch i qʼuel ti ñuc mi jiñʌch jiñi ñumen wem bʌ.
Laʼ lac sʌclan ñuc tac bʌ i cʼʌjñibal
(Levítico 5:1, ITD) Mi an tsaʼ bʌ i qʼuele ti mulil juntiquil i piʼʌl, mi tsiʼ wen ubi chuqui tsaʼ ujti, mi maʼanic tsiʼ tsictesa, miʼ yajñel tiʼ wenta jini mulil.
Laʼ lac tsajcan bajcheʼ yilal i xucʼtʌlel i wiñicob Dios ti wajali
14 Cheʼ mi lac pʌs la cutslel miʼ coltañonla jaʼel chaʼan xucʼulonla tiʼ tojlel Jehová yicʼot tiʼ tojlel yañoʼ bʌ. Ñaʼtancu a wilan, chaʼan a wujil tsiʼ mele mach bʌ weñic juntiquil hermano. Tajol a wom a pʌsben a xucʼtʌlel jiñi hermano, ñumento mi a familia o mi a wamigo. Pero a wujil chaʼan cheʼ xucʼulet tiʼ tojlel Jehová jiñʌch ñumen ñuc bʌ. ¿Chuqui miʼ mejlel a mel? Mele bajcheʼ Natán. Jacʼben i tʼan Jehová yicʼot pʌsben a wutslel jiñi hermano. Suben chaʼan ti ora yom miʼ cʼajtin i coltʌntel ti ancianojob. Mi maʼañic miʼ mel, jatet mi caj a mel. Cheʼ jiñi xucʼul mi caj a wajñel ti Jehová. Cheʼ jaʼel mi caj a pʌsben a wutslel jiñi hermanojob come jiñi ancianojob ti uts miʼ caj i tojʼesañob yicʼot miʼ caj i coltañob chaʼan utsʼat miʼ chaʼ ajñel yicʼot Jehová (pejcan Levítico 5:1 yicʼot Gálatas 6:1).
23-29 I CHAʼAN NOVIEMBRE
ÑUC TAC BɅ I CʼɅJÑIBAL TI BIBLIA | LEVÍTICO 6, 7
«Miʼ yʌqʼueñob wocolix i yʌlʌ Jehová»
(Levítico 7:11, 12, ITD) Jiñʌch mandar chaʼan c majtan cheʼ mi laʼ subeñon wocolix cʌlʌ chaʼan laʼ coltʌntel. 12 Cheʼ mi cʌqʼuentel c majtan cheʼ mi laʼ subeñon wocolix cʌlʌ, yom jini wochʼesʌbil bʌ waj mach bʌ anic i levadurajlel, xajcʼubil bʌ yicʼot aceite, yicʼot galleta tac bombil bʌ yicʼot harina xajcʼubil bʌ yicʼot olivo aceite, yicʼot waj melbil bʌ ti harina xajcʼubil bʌ yicʼot olivo aceite.
¿Chuqui mi laj cʌn ti jiñi libro i chaʼan Levítico?
9 I chaʼpʼejlel laj cʌntesʌntel: Mi lac melben i yeʼtel Jehová come la com la cʌqʼuen wocolix i yʌlʌ. Laʼ laj qʼuel yambʌ ñuc bʌ i cʼʌjñibal chaʼan i chʼujutesʌntel Dios yaʼ ti Israel: Jiñi majtañʌl tac chaʼan miʼ yʌqʼueñob wocolix i yʌlʌ Jehová. Ti jiñi libro i chaʼan Levítico mi laj cʌn chaʼan jiñi israelitajob miʼ melob iliyi (Lv. 7:11-13, 16-18). Mach xicʼbilob chaʼan miʼ yʌcʼob ili majtañʌl chaʼañʌch yom i yʌcʼob. Jin chaʼan, jumpʼejlʌch majtañʌl loqʼuem bʌ tiʼ bajñel pusicʼalob muʼ bʌ i yʌcʼob chaʼan miʼ cʼuxbiñob jiñi Dios Jehová. Muʼ bʌ i yʌcʼ jiñi majtañʌl, jiñi i familia yicʼot jiñi motomajob miʼ cʼuxbeñob i bʌcʼtal jiñi añimal tsʌnsʌbil bʌ. Pero an tac yajcʌbil bʌ i chaʼan Jehová ti jiñi añimal am bʌ tiʼ wenta chaʼan jin jach miʼ chʼʌm. ¿Baqui tac bʌ?
Laʼ lac sʌclan ñuc tac bʌ i cʼʌjñibal
(Levítico 6:13, ITD) Tiʼ pejtelel ora yom miʼ lejmel jini cʼajc yaʼ tiʼ pam jini pulʌntib. Mach yomic miʼ wis yajpel.
it-1 970
Cʼajc
Yaʼ ti tabernáculo yicʼot ti templo. Jiñi i Mandar Dios miʼ yʌl chaʼan tiʼ pejtelel ora yom miʼ lejmel jiñi cʼajc am bʌ yaʼ ti pam jiñi pulʌntib (Lv. 6:12, 13). Jiñi judíojob miʼ yʌlob chaʼan Dios tsiʼ mele jumpʼejl milagro chaʼan miʼ tsʼʌjyel jiñi cʼajc am bʌ yaʼ ti pulʌntib, pero jiñi Biblia mach cheʼic miʼ yʌl. Jehová tiʼ sube Moisés chaʼan jiñi i yalobilob Aarón «yom miʼ xicʼob jini xutunteʼ am bʌ yaʼ tiʼ pam pulʌntib» cheʼ bʌ maxto i yʌcʼʌyob jiñi majtañʌl yaʼ ti pulʌntib (Lv. 1:6-8). Cheʼ bʌ tsaʼix waʼchoconti bajcheʼ sacerdote jiñi Aarón, tsaʼ jubi cʼajc, tajol tsaʼ loqʼui ti jiñi tocal am bʌ ti pam jiñi tabernáculo, tsaʼ bʌ i jisa jiñi majtañʌl am bʌ yaʼ ti pulʌntib. Pero ili cʼajc maʼañic tsaʼ jubi chaʼan miʼ tsucʼ jiñi siʼ, tsaʼ jubi chaʼan mi laj pul «jini majtañʌl yicʼot i lewil tac am bʌ tiʼ pam jini pulʌntib».
(Levítico 6:24, 25, ITD) 24, 25 Lac Yum tsiʼ sube Moisés: Suben Aarón yicʼot i yalobilob jiñʌch jini mandar chaʼan miʼ yajpel mulil: Yom mic tsʌnsʌbentel alʌcʼʌl chaʼan i tojol mulil. Yaʼ yom ti jini jach bʌ ajñibʌl baʼ tsaʼ pulbentiyon yambʌ majtañʌl, come chʼujulʌch.
si 27 párr. 15
I juñilel Levítico
15 3) Yomʌch miʼ yʌjqʼuel majtañʌl cheʼ bʌ mach yʌlolic tsiʼ chaʼle mulil juntiquil lac piʼʌl chaʼan miʼ mejlel ti ñusʌbentel. Chaʼan miʼ mejlel ti ñaʼtʌntel chuqui ti majtañʌl yom miʼ yʌjqʼuel, yaʼʌch cʌyʌl majqui tsiʼ chaʼle mulil: Mi juntiquil sacerdote, jiñi tejclum, juntiquil am bʌ i yeʼtel o juntiquil lac piʼʌl. Jiñi majtañʌl chaʼan mulil wersajʌch yom miʼ yʌjqʼuel come yʌñʌlʌch yicʼot jiñi majtañʌl muʼ bʌ i yʌjqʼuel chaʼan miʼ yʌqʼuentel wocolix i yʌlʌ Jehová (Lv. 4:1-35; 6:24-30).
30 I CHAʼAN NOVIEMBRE-6 I CHAʼAN DICIEMBRE
ÑUC TAC BɅ I CʼɅJÑIBAL TI BIBLIA | LEVÍTICO 8, 9
«Junchajp bajcheʼ Jehová miʼ yʌqʼueñonla i bendición»
(Levítico 9:23, 24, ITD) Moisés yicʼot Aarón tsaʼ ochiyob ti Tabernáculo. Cheʼ bʌ tsaʼ chaʼ loqʼuiyob tilel, tsiʼ yʌqʼueyob i yutslel i tʼan jini winicob xʼixicob. Tsaʼ tsictiyi i ñuclel lac Yum tiʼ tojlel pejtelel winicob xʼixicob. 24 Tsaʼ loqʼui tilel cʼajc tiʼ tojlel lac Yum. Tsiʼ laj pulu jini majtañʌl yicʼot i lewil tac am bʌ tiʼ pam jini pulʌntib. Cheʼ bʌ tsiʼ qʼueleyob jini winicob, tsiʼ chaʼleyob cʼam bʌ tʼan. Tsiʼ pʌcchocoyob i bʌ tiʼ tojlel lac Yum.
¿Chuqui mi laj cʌn ti jiñi libro i chaʼan Levítico?
13 I chʌnchajplel laj cʌntesʌntel: Jehová miʼ yʌqʼuen i bendición jiñi i tejclum. Laʼ lac tsajin tsaʼ bʌ ujti ti 1512 cheʼ bʌ maxto tilemic Cristo, cheʼ bʌ tsaʼ waʼchoconti jiñi tabernáculo yaʼ ti wits Sinaí (Éx. 40:17). Moisés tsiʼ mele ili qʼuiñijel baqui tsaʼ waʼchoconti ti motomaj jiñi Aarón yicʼot i yalobilob. Jiñi tejclum Israel tsiʼ tempayob i bʌ i qʼuel jiñi motomajob cheʼ tsiʼ ñaxan acʼʌyob jiñi majtañʌl tac chaʼan añimal (Lv. 9:1-5). ¿Bajcheʼ tsiʼ pʌsʌ Jehová chaʼan wen miʼ qʼuel majqui tsaʼ waʼchocontiyob ti motomajob? Cheʼ baqui ora Aarón yicʼot Moisés tsiʼ yʌqʼueyob i bendición jiñi israelitajob, Jehová tsiʼ choco jubel cʼajc chaʼan miʼ jisan jiñi majtañʌl am bʌ ti pulʌntib (pejcan Levítico 9:23, 24).
Laʼ lac sʌclan ñuc tac bʌ i cʼʌjñibal
(Levítico 8:6, ITD) Cheʼ jini Moisés tsiʼ pʌyʌ tilel Aarón yicʼot i yalobilob. Tsiʼ pocoyob ti jaʼ.
w14 15/11 9 párr. 6
¿Chucoch yom chʼujulonla?
6 Jiñi sacerdotejob ti wajali yomʌch sʌcob jiñi i bʌcʼtal, i ili ora wen añʌch i cʼʌjñibal ti lac tojlel jaʼel. Miʼ cʼajtesʌbeñonla chaʼan majquijach muʼ bʌ i letsel tiʼ wits Jehová chaʼan miʼ chʼujutesan yomʌch sʌc i pusicʼal (pejcan Salmo 24:3, 4; Is. 2:2, 3). Jehová yom chaʼan jiñi lac pusicʼal, lac ñaʼtʌbal yicʼot lac bʌcʼtal sʌcʌch miʼ yajñel. Jin chaʼan, jujuntiquil yom mi laj qʼuel bajcheʼ yilal añonla. Tajol miʼ cajel laj qʼuel chaʼan añixto chuqui yom mi laj qʼuextan ti laj cuxtʌlel (2 Co. 13:5). Jumpʼejl ejemplo, juntiquil i wiñic Jehová muʼ bʌ i yilo qʼuel pornografía yom miʼ cʼajtiben i bʌ: «¿Woli ba c pʌs chaʼan sʌcoñʌch?». I cheʼ jaʼel yom miʼ cʼajtin i coltʌntel (Stg. 5:14).