¿Bajcheʼ miʼ mejlel a locʼsʌben i wenlel jujumpʼejl cʌntesʌntel?
Pejcan ili folleto yicʼot juntiquil i testigo Jehová. Miʼ mejlel a cʼajtiben chaʼan miʼ yʌqʼueñet estudio jiñi tsaʼ bʌ i yʌqʼueyet ili folleto o cʼajtin yaʼ ti lon c página chaʼan internet, jw.org.
ÑAXAM BɅ PARTE
Pejcan tiʼ pejtelel jiñi párrafo. An cʼajtiya tac am bʌ i númerojlel (A) yicʼot texto tac bombil bʌ ti iʼicʼ (B) muʼ bʌ i taj ti tʼan jiñi ñuc tac bʌ i cʼʌjñibal. An texto tac muʼ bʌ i yʌjlel chaʼan yom miʼ pejcʌntel.
I CHAʼPʼEJLEL PARTE
Jiñi ñaxam bʌ párrafo muʼ bʌ i tilel baqui miʼ yʌl «Laʼ lac ñumen ñaʼtan» miʼ tsictesan jiñi muʼ bʌ caj lac bej qʼuel majlel (C). Jiñi subtítulo tac am bʌ i númerojlel miʼ pʌs baqui tac bʌ jiñi ñuc tac bʌ i cʼʌjñibal (D). Pejcan jiñi texto tac, jacʼʌ jiñi cʼajtiya tac yicʼot qʼuele jiñi video tac (E).
Qʼuele jiñi dibujo tac yicʼot pejcan muʼ bʌ i tsictesan yaʼi (F), i ñaʼtan bajcheʼ miʼ mejlel a jacʼ baqui miʼ yʌl «An muʼ bʌ i yʌlob» (G).
I YUXPʼEJLEL PARTE
Jujumpʼejl cʌntesʌntel miʼ yujtel yicʼot jiñi «Tsaʼ bʌ laj cʌñʌ» yicʼot «¿Chuqui tsaʼ cʌñʌ?» (H). Cheʼ bʌ miʼ yujtel a qʼuel jujumpʼejl cʌntesʌntel tsʼijbun chuqui ti qʼuin tsaʼ wujtesa. Ti jiñi recuadro «Mele iliyi» mi caj a subentel chuqui miʼ mejlel a mel chaʼan maʼ ñumen cʌn majlel (I). Yaʼ baqui miʼ yʌl «Cʌñʌ yan tac bʌ» mi caj a taj yan tac bʌ tema yicʼot video muʼ bʌ mejlel a qʼuel (J).
¿Bajcheʼ miʼ mejlel a taj jumpʼejl texto yaʼ ti Biblia?
Jiñi texto tac miʼ chʼʌm tilel i cʼabaʼ jiñi libro (A), jiñi capítulo (B) yicʼot jiñi versículo o versículo tac (C). Jumpʼejl ejemplo, Juan 17:3 yom i yʌl «jiñi libro i chaʼan Juan, capítulo 17, versículo 3».