‹An lac chʼujbiya mach chaʼañic chuqui mi laj qʼuel›
Cheʼ bʌ mach jalix mi caj i jojyel yicʼot i jisʌntel Jerusalén, jiñi apóstol Pablo tiʼ tsʼijbube jiñi xñoptʼañob chaʼan mi caj i ñusañob wocol cheʼ bajcheʼ xucʼul bʌ i soldadojob Cristo yicʼot yom miʼ cʌyob chuqui añob i chaʼan (2 Ti. 2:3, 4). Lʌcʼʌlix an jiñi wocol muʼ bʌ caj i taj jiñi ñajt bʌ añob tiʼ tojlel Dios, jin chaʼan yom an lac chʼujbiya chaʼan mi la cʌcʼ lac pensar tiʼ chaʼan bʌ Dios (2 Co. 4:18; 5:7). Qʼuele jiñi video ‹An lac chʼujbiya mach chaʼañic chuqui mi laj qʼuel› (miʼ mejlel a taj yaʼ ti jw.org/ctu, yaʼ ti sección JUN TAC > VIDEO TAC). Qʼuele bajcheʼ Nadab yicʼot Débora tsiʼ yʌcʼʌyob i pensar ti chubʌʼañʌl, i jiñi tsiʼ yʌcʼʌyob ti chʌmel. Wʌle, tsajin ili cʼajtiya tac.
1) ¿Chuqui yom i yʌl ‹jiñi cʼax bibiʼ jax bʌ waʼal bʌ ti chʼujul bʌ ajñibʌl› cheʼ ti ñaxam bʌ siglo, i chuqui tsiʼ meleyob jiñi xñoptʼañob añoʼ bʌ ti Jerusalén? (Mt. 24:15, 16). 2) ¿Chucoch tsaʼ cʼʌjñibʌyi i chʼujbiyajob chaʼan miʼ putsʼelob? 3) ¿Chuqui tac tsiʼ cʌyʌyob? 4) ¿Chucoch wiʼilix tsaʼ loqʼui Nadab yicʼot Débora? (Mt. 24:17, 18). 5) ¿Baqui bʌ yambʌ wocol tsiʼ taja Raquel cheʼ bʌ tsaʼ loqʼui ti Jerusalén? (Mt. 10:34-37; Mr. 10:29, 30). 6) ¿Chuqui wem bʌ ejemplo chaʼan chʼujbiya tiʼ tojlel Jehová tsiʼ pʌsʌ Jafet? 7) ¿Chuqui ti wocol tac tsiʼ tajayob jiñi xñoptʼañob yaʼ ti Pela? 8) ¿Bajcheʼ tsaʼ cʼunʼa majlel i ñopoñel Nadab yicʼot Débora? 9) ¿Bajcheʼ tsiʼ cʌnta Jehová jiñi xñoptʼañob yaʼ bʌ chumulob ti Pela? (Mt. 6:33; 1 Ti. 6:6-8). 10) Cheʼ bʌ woliʼ lʌcʼtiyel majlel i jilibal jontolil, ¿bajcheʼ miʼ mejlel lac lajin Abraham yicʼot Sara? (He. 11:8-10). 11) ¿Chucoch tsaʼ chaʼ sujtiyob ti Jerusalén Nadab yicʼot Débora, i chucoch tsiʼ bajñel lotiyob i bʌ? (Lc. 21:21). 12) ¿Bajcheʼ yilal Jerusalén cheʼ bʌ Nadab yicʼot Débora tsaʼ chaʼ sujtiyob majlel? 13) ¿Chucoch yom mi lac pʼʌtʼesan lac chʼujbiya ti ili ora cheʼ bʌ maxto julem i jisʌntel am bʌ ti pañimil? (Lc. 17:31, 32; 21:34-36).
Cheʼ an lac chʼujbiya yom i yʌl chaʼan 1) mi lac xucʼchocon lac bʌ ti Jehová, 2) mi la cʌcʼ chaʼan miʼ pʌsbeñonla chuqui yom mi lac mel yicʼot 3) mi la cʌcʼ ti ñuc i chaʼan bʌ Dios i mach jiñic chubʌʼañʌl. Ti lac pejtelel yom an lac chʼujbiya, i laʼ lac mel chuqui yom Dios, cheʼ bajcheʼ miʼ yʌl 1 Juan 2:17: «I chaʼañoʼ bʌ pañimil mi caj i jilelob yicʼot i colosojlel [o tsuculel] i pusicʼal, pero miʼ yajñel ti pejtelel ora jini muʼ bʌ i chaʼlen cheʼ bajcheʼ yom Dios».