Muʼ bʌ mejlel i coltañet chaʼan ñumen wen maʼ chaʼlen estudio

¿Muʼ baʼ mulan a ñumen tajben i wenlel cheʼ maʼ chaʼlen estudio? Ili uxchajp mi caj i coltañet.

• Wen qʼuele baqui mi caj a chaʼlen estudio. Qʼuele chaʼan sʌcʌch yicʼot chaʼan mucʼʌch a taj a qʼuel jiñi muʼ bʌ caj a pejcan. Mi an jumpʼejl escritorio o mesa miʼ mejlel a mel yaʼi, o mi cheʼ a wom ti jumpat.

• Sʌclan baqui maʼ mejlel ti bajñel ajñel. Jesús tsaʼ majli i mel oración cheʼ ti wen sʌcʼan baqui miʼ mejlel ti bajñel ajñel (Mar. 1:35). Mi maʼañic maʼ mejlel ti bajñel ajñel, suben jiñi a familia o yaʼ bʌ chumulob ti a wotot chuqui ti qʼuin mi caj a chaʼlen estudio i cheʼ jaʼel chaʼan maʼañic miʼ wen tilel i pejcañetob yicʼot chaʼan maʼañic miʼ wen melob ruido.

• Mach a wʌcʼ chaʼan chuqui jach miʼ chaʼleñet ti distraer. Mi maʼ cʼʌn a teléfono o tableta chaʼan maʼ chaʼlen estudio, juʼsʌben i volumen chaʼan mach cʼamic miʼ sub i bʌ cheʼ miʼ cʼotel a mensaje o acʼʌ ti modo avión. Mi tsaʼ waʼ tili ti a jol chaʼan an chuqui yom maʼ mel cheʼ bʌ woli a chaʼlen estudio, tsʼijbun chaʼan maʼañic miʼ ñajʌyel a chaʼan i wiʼilto maʼ mel. Mi wocol maʼ wubin chaʼan yaʼ jach maʼ wʌcʼ a pensar ti jiñi woli bʌ a pejcan, cʌyʌ jumucʼ chaʼan maʼ chaʼlen xʌmbal o maʼ sʌtsʼ a bʌ.