¿Ye haɨri kũinávɨpe torohɨrĩ kɨiyɨrivɨbaru?

YÓPE AIVƗ HƗMENIHIKƗI YÁVAITUKUBO

“Õi pʉeno torojʉrãjarama ina põeva Jʉ̃menijicʉi yávaiyede jʉ arĩ, đaivʉ yópe die coyʉinope.” (Lucas 11:28, Majepacʉ Jʉ̃menijicʉi Yávaiye Mamaene Coyʉitucubo.)

AIPE TA KAÐATEIDI IYEDE KOREÓVAIBARU

Ɨrarõ ɨrĩ kɨromakiyebu (Efesios 5:25).

Pueđari kɨromakiyebu (Efesios 5:33).

Koatebevɨva kɨromakiyebu (Marcos 10:6-9).

¿AIPE TENI HÃVEMA ARĨ MAHIDI MAHA HƗMENIHIKƗI YÁVAITUKUBOI KƗEDE?

Iye bohe:

• Kũinávɨre Hɨmenihikɨ batekemavɨ põeđayɨ. Mamarɨmɨ Hɨmenihikɨ Heová ɨmɨre aru nomióre põeđakemavɨ, ke arĩ nare pɨrɨbɨokemavɨ (Mateo 19:4-6). Kebaru Hɨmenihikɨ Heová batekemavɨ kũinávɨre ayɨ, ke aivɨ Hɨmenihikɨi yávaitukubo. ¿Aipe teni yore mahihaɨri?

  Yore dápiarahare: Maha varubo me vaihɨribore ãibaru aru yéde ađarama arĩ mahiyɨribaru, ¿ñamene hẽniari hãheba? Dibore ađobakore hẽniari hãmeheba.

  Nópedeka, maha mahiyɨrivɨ yepepaiye haɨri mearo torohɨrĩ kũinávɨpe kɨiyɨribaru, kebaru Heová Hɨmenihikɨre hẽniari haĩ haɨvɨ, kũinávɨre põeđayɨbakɨre.

• Hɨmenihikɨ me kapɨibi mahare. Mɨre aru mivɨre mearo nɨkiyebu Hɨmenihikɨi aiyede hɨaibarure, ɨ kapɨibi mɨhare (1 Pedro 5:6, 7). Heová mearo mahare nɨiyede ɨbi, ɨi koyɨiye kainɨmɨara kađateivɨ mahare (Proverbios 3:5, 6; Isaías 48:17, 18).