¿Ñáhiye kũikídika apenɨmɨ?

BÍBLIA YÓPE AIVƗ

“Jʉ̃menijicʉ [...] Tʉ̃recʉyʉme caiye oride ne yacorʉare. [...] Que baru põeva ye yaibénajarama. Chĩomenajarama. Obenajarama” (Apocalipsis 21:3, 4, Majepacʉ Jʉ̃menijicʉi Yávaiye Mamaene Coyʉitucubo, Wycliffe Bible Translators).

AIPETA KAÐATEIDI IYEDE KOREÓVAI BARU

Mahinaharamu maha hãve Hɨ̃menihikɨ ãmemi mahare ãmeina tede đayɨ arĩ (Santiago 1:13).

Hɨhovakiyebu mahare Hɨ̃menihikɨ mahe ñáhinore mahibi arĩ (1 Pedro 5:7).

Kɨvarãharamu maha mearo dakiyede korede đaiyede, ye bahu ñáhine đaiye kɨbebu dakihihãravɨ bakinóre kari arĩ (Salmo 37:9-11).

¿AIPE TENI HÃVEMA ARĨ MAHIDI MAHA BÍBLIAI KƗEDE?

Iye bohe:

• Hɨ̃menihikɨ kõeními ñáhiyede aru ãmeina teiyede. ¿Árõpe dápiakemari Heová havede ɨ̃i põevare napimena đainore? Hɨ̃menihikɨ hã́međa ɨ̃i põevare “ʉrarõ ñájivʉre” aru hápiameđa “ne oiyede” nópe aivɨ Bíblia (Hechos 7:34).

  Hɨ̃menihikɨ ɨbebi põeva ñáhine đaivɨre apevɨ põevare. Ɨ̃ kõeními “ñájine đabejarã mʉja apevʉre” aivɨ Bíblia (Romanos 12:19).

• Hɨ̃menihikɨ põeva koapa kapɨrĩ hã́imi. Maharatamu mahe ihinore aru ñáhiyede mahidi arĩ dápiarĩduivɨ maha, hãve Heová máre me mahibi mahare teiyede (2 Crónicas 6:29, 30).

  Hɨ̃menihikɨi haboteinoke, Hɨ̃menihikɨ põeva koapa maumeneka ne ñáhiyede harɨvakɨyɨme (Mateo 6:9, 10). Kãreha ɨrarõ ɨrõke hɨhovaibi kaivɨ põevare hãve ɨ̃́re voivɨre (Hechos 17:27, TNM; 2 Corintios 1:3, 4).