¿Yéba Hɨ̃menihikɨi Haboteino?

BÍBLIA YÓPE AIVƗ

“Jabocʉ parʉcʉ bacʉyʉ́me mímacʉ bacʉyʉ́. Aru põeva arãjarama ʉ̃i borore, ‘Jʉ̃menijicʉ parʉcʉi mácʉbe ʉ̃’. [...] jabotede dacʉyʉme Jʉ̃menijicʉ mímacʉ bacʉyʉ́re. [...] ʉ̃i jaboteiye ye cũiméquiyebu” (Lucas 1:32, 33, Majepacʉ Jʉ̃menijicʉi Yávaiye Mamaene Coyʉitucubo, Wycliffe Bible Translators).

AIPETA KAÐATEIDI IYEDE KOREÓVAI BARU

• Yo haboteino kaivɨre mearo đaino kađateiye mahivɨ mahare koapa (Lucas 11:28).

• Hoabevɨ mamaro hoborõi ye ihié kɨbenoi aru torohɨe matɨiyeda kɨrõi mahe kɨrãhino (Apocalipsis 21:3, 4).

¿AIPE TENI HÃVEMA ARĨ MAHIDI MAHA BÍBLIAI KƗEDE?

Iye bohe:

• Jesús hã́đovakemavɨ méne đakiyede HƗ̃menihikɨi Haboteino. Ĩ́re kuhuipõevare mahikakémavɨ Heováre hẽniari Hɨ̃menihikɨi Haboteino dakiyepe aru ɨ̃i đaiyɨrõpe hoborõra (Mateo 6:9, 10). Hã́đovakemavɨ árõpe hãve tekidi no hẽniaino máre arĩ.

  Hoborõi kɨkɨ Jesús põeva ãvɨé yaivɨre ãori, ihimarare hɨorĩ aru yaivɨ bákavɨre máre ũmedavakemavɨ (Mateo 15:29-38; Juan 11:38-44). Hɨ̃menihikɨi Haboteinore Habotekɨyɨtamearu ɨ̃, ke baru hipokama Hɨ̃menihikɨi Haboteino méne davakiyede hã́đovakemavɨ nore kuhuipõevare (Apocalipsis 11:15).

• Hoabevɨ Hɨ̃menihikɨi Haboteino dakihino arĩ hã́đovaivɨ hoborõre kaihĩe teiye. Hɨ̃menihikɨi Haboteino kãrihimevɨva hoborõre kɨrõre davakiye hipoka, kaino hoborõre boaiye matɨiyeda, ãvɨé yaino aru bidiye kɨkiyebu akemavɨ havemika Jesús (Mateo 24:3, 7).

  Nópe teiyede hã́ivɨ maha karide. Ke baru, hoabe bahubu hãve Hɨ̃menihikɨi Haboteino kaiye ãmene meađakino.