¿Ñamema põeva hoborõ kavɨre hãve kõheñɨ?

YÓPE AIVƗ HƗMENIHIKƗI YÁVAITUKUBO

“Caivʉ apevʉ ijãravʉcavʉ cʉma abujuvai jabocʉi đaicõjeimara.” (1 Juan 5:19, Majepacʉ Jʉ̃menijicʉi Yávaiye Mamaene Coyʉitucubo.)

“Que barureca darejame Jʉ̃menijicʉi mácʉ, jarʉvacʉyʉ ñai abujuvai jabocʉi đaiyede.” (1 Juan 3:8.)

AIPE TA KAÐATEIDI IYEDE KOREÓVAIBARU

Ã́ri dari bɨkemari kaiye ãme hoborõi kɨe arĩ mahinaharamu maha (Apocalipsis 12:12).

Meaharavɨa hãve edakiyebu arĩ mahinaharamu maha (1 Juan 2:17).

¿AIPE TENI HÃVEMA ARĨ MAHIDI MAHA HƗMENIHIKƗI YÁVAITUKUBOI KƗEDE?

Iye bohe:

• Abuhukɨi haboteinó kũikihinotamu. Hɨmenihikɨ Heová hava hã́ruvaki abuhukɨi kõheinore akemavɨ. Hɨmenihikɨ põevare yópe akihivɨ arĩ epekemavɨ: “maumejiena [...] bíjarocʉyʉme ñai abujuvai jabocʉre” aru kaiyede meađakɨyɨme abuhukɨi ameđaiye bákede (Romanos 16:20).

• Jesucristobe Hɨmenihikɨi habotekiyepe arĩ hẽimɨ. Abuhukɨ amekɨ bahube, kebaru põevare ameno ñáhine aibi, ɨbenita nópe ãmemi Jesús, ɨ mearo põevare nɨiyede ɨbi. Heová Hɨmenihikɨ, Jesucristoi habote kinore yópe aibi, ɨ kõmahe ãrohae hãimɨ, kɨve kɨvabevɨre aru ãđama teiye hihateiyede haruvakiyɨme (Salmo 72:13, 14).

• Heová Hɨmenihikɨ borokɨri mahibebi. Hɨmenihikɨ yávaitukubo nuriéna aivɨ “borocʉrĩ bʉojabebi Jʉ̃menijicʉ” (Hebreos 6:18). Kebaru Heová yávaiye, ɨi aiye pedeka teivɨ (Isaías 55:10, 11). Ɨ akemavɨ “ñai abujuvai jabocʉre, jarʉvacʉyʉme Jʉ̃menijicʉ.” (Juan 12:31).