¿Aipe tekemari abuhuvai habokɨre hápiaiye bohe?

Hɨ̃menihikɨre hɨ abe bohe Adán aru Éva yaikémavɨ (1 Timoteo 2:14)

Éva ãđare hɨ arĩ, ãkemavɨ hokɨkɨi hẽ́iyede Hɨ̃menihikɨi ãikohememakede. Yóbo hímarepakɨrema hiakođa aru ɨ̃ máre ãmeda.

Na Hɨ̃menihikɨre vainitɨkemavɨ ke baru haetovakemavɨ ɨ̃ náre meahino Edén ãmikɨroi kɨrĩde.

Kɨrĩ maiyoharĩ hãravɨa tekemavɨ náre aru mamararema. Yóbo bahi kari bɨkɨteni yaikémavɨ. Kavarõ o apeno páinoi nɨmetekemavɨ na; kédata kɨbe tekemavɨ.

Yaivɨ hoboteđama aru aipe đarĩ mahibema (Génesis 3:19)

Adán aru Éva batekemavɨ mamarɨmɨ mahebɨkɨva. Ke baru yaivɨ mahamare. Yaivɨ hámeni, hápiabeni aru aipe đarĩ mahibema mahare. Kãivɨ pédamu na (Juan 11:11-14).

Heová põeva yáinore ɨbetekemavɨ. Hoabevɨ yaibakavɨre ɨ̃i bediova ũmedavakɨno. Aru ɨ̃́re hɨ ai baru ã́ro bahi yaibénama kari. Kainɨmɨara kɨrãharama.