¿Árõpe kɨtekemari meahinoi Edén ãmikɨroi?

Adán aru Évare Hɨ̃menihikɨ kaihĩe me matɨiye híkemavɨ (Génesis 1:28; Hechos 17:25)

Heová nomió mamapoeđaimo Éva batekemavɨ, Adán márepakobakođo (Marcos 10:6, 7).

Hɨ̃menihikɨ põeđakemavɨ náre ne dápiainoare aru ne bahuare ãmekɨbenoa.

Hia, hokɨ aru ãimara kɨrõi kɨtekemavɨ na. Meahino Edén ãmikɨroi.

Heová náke yávarĩ aru kaihĩene mahikakemavɨ. Nui meahinoi kainɨmɨara kɨiyɨri baru hápiarĩ aru hɨ ai haɨtekemavɨ Hɨ̃menihikɨre.

Kũinákɨ hokɨkɨi hẽ́iyede ãmehara akemavɨ Hɨ̃menihikɨ (Génesis 2:16, 17)

Adán aru Évare kũinákɨ hokɨkɨi hẽ́iyede ãmehara akemavɨ Hɨ̃menihikɨ aru diede ãi baru yaináharamu mɨha.

Kũinákɨ ángel Hɨ̃menihikɨi áiyede híkũara dápiakemavɨ aru vainí tɨameđa. Ñai ãmekɨ ángel Abuhukɨ Satanás be.

Heováre hɨ aiyede ɨbetekemavɨ Satanás. Ãđare hẽni yávayɨpe arĩ hã́đovakemavɨ dikɨi hẽ́iyede ãđo maru mɨ yaibékobu aru Hɨ̃menihikɨpe bakođomu mɨ akemavɨ Évare. Boro kɨri vaikemavɨ (Génesis 3:1-5; 1 Timoteo 2:14).