PŨRAVƗ 6

Muiváibo daihãravɨ bákarõ, ¿ye mahikaidi mahare?

Hɨ̃menihɨkɨ muiváiboke põeva ãmenare harɨvameđa aru Noé kapũravɨre kađateameđa ɨ̃́hivɨke apɨrãhiyepe (2 Pedro 2:5, 6)

Hiađokũ ɨrakũ kɨ̃rami kɨrikũ bađaiyedeka põeva ãmena makavɨ korĩ bíhaivɨ aru ángeleva vainí tɨi bákavɨ kopaivɨ kavarõi koedeka

Vaibénova okavɨya 40 paihãravɨa aru 40 paiñamia bahu. Muiávɨya kaino hoborõ aru kaivɨ põeva ãmena yaimađa.

Ángeleva vainí tɨi bákavɨ kopaimađa kavarõi koedeka, abuhuva teni aru Satanás ke memeimađa.

Noé, ɨ̃ hivɨ aru ãimara etaivɨ hiađokũ ɨrakũ kɨ̃rami kɨrikũi kɨri bákavɨ aru náme kavarõi hárorĩme

Hiađokũ ɨrakũ kɨ̃rami kɨrikũ hívɨi kɨrĩ bákavɨvata apɨteimađa. Ɨhɨa yóbo Noé aru ɨ̃́hivɨ yaimađa, koedeka Hɨ̃menihikɨ ne apɨrõre hakopaiyovakɨyɨme náre aru kainɨmɨara kɨrĩ mahinahibuya kari.

Hoabevɨ Hɨ̃menihɨkɨ koedeka põeva ãmenare harɨvaki hãravɨ aru meara kapũravɨ yaibénama (Mateo 24:37-39)

Satanás aru apevɨ abuhuva kaihĩe ãmeina tede đađama põevare

Satanás aru apevɨ abuhuva põevare ãmeina tede đare bubuyama, ke baru na põeva Hɨ̃menihikɨre hápiai ɨbema.

Karidema, Noé makɨi kɨrĩ hãravɨ pédekabu põeva Hɨ̃menihikɨre hɨ ai ɨbema. Hoabevɨ Heová põevare ãmenare harɨvaki hãravɨ (Lucas 17:26, 27).

Kũinákɨ põekɨre Heová Hiede Koyɨipõeva Bíbliake mahikaivɨ: ɨ̃ leeyɨbe

Ɨbeinta Noépe paivɨ máre põeva kɨma Hɨ̃menihikɨi đaikõheiyede hɨ aivɨ. Heová Hiede Koyɨipõevamu na.