Dii Dummad wisad, Egipto gine onolesmaladse

Dii Dummad wisgua unnila dulemar 8 mergu bendaglesmar inigwale, undaradgi dulemar miliba mergunoniggi. Degiidgi, 352 años gus Dii Dummad wisad sorba Abrahán gwalulenoniggi. Anmar durdaggoe igi Baba na ibmar sogsadba imasa, Abrahánga massi Isaac nugad ugsagua. Geb degiidgi, Isaac masmala warbo niggusgua, Babdummad, Jacob sunoniggi.

Jacob mimmigan buggidar niggusa, 12 mergu masmala niggusa, geb bunamala niggusbali. Jacob e masmala 10 merguedi na e urba José nugad isdardagsamala, geb mani binale ugsamala, Egiptogi emar maig guega. Beedsegi, José dule nugniggadga gunoniggi Egiptogi. Uggud dummad nagunonigu, José na gwenadgan wilubdagsa, bule e daed na ogwasmardibeye. Degine, bela Jacob negyaginmaladi, Israel dulemar, Egiptose megnadmala. We ibmar gusa 290 años gusa Abrahán gwalulesad sorbali.

Degine, Israel dulemar 215 años Egiptogi gudigusmala. Aa ibagangi, José burgwenoniggi, geb sorba Israel dulemar emar maiga gunonimala. Beedsegi, Moisés gwalulenonimoga, geb Babdummad we dule susa Israel dulemar onogega, Egipto neggweburgi. Parte DOS gine sunmagnai, bela 857 años nasadgi, ibmar gusadgi.