LECCION 03
¿Bibliagi bule nue nabir ibmar soglenadibe?
Yoogidse ibmar guoedgi Bibliagi sunmaglenaid, Bibliagi anmarga binsaed nuegan daglenabalid. Sun be wisgubi gudimogaled, nue ibu igargi Biblia sunmagnadadibeye. Auggi sun be binsadibaliled, bule nue nabir Bibliagi ibmar soglenadibeye. Biblia diggasurgus narmaglessoggua, ¿Bibliagi ibmar soglenanaid bule nue nabir gunoniggodibe? ¿Bule nabir Bibliagi soglenadibe anmar sadegu yeer iddodi guoye? Nuediled, Bibliagi be sunnad be we ibmar durdagmogar.
1. Bibliagi ibmar soggwengi sunmaglenaile, ¿bule nue nabirdadibe?
Bibliagi soglenaid, Bab gaya burba ‘inniggigwadba’ ibmar sognaye (Eclesiastés 12:10). Ebbenne ibmar gusmaladgi sunmagnaid, ebbenne dulemar gudi gusmaladgi sunmagnabalid (Lucas 1:3 geb 3:1, 2 absogo). We ibmargi nergumalad sogmarmogad, Bibliagi dule wargwen nug bilenaile, neggwebur soggwen nug bilenabalile, nabirdaye.
2. ¿Ibiga Bibliagi ibmar soglenanaid be bensurmoga?
Amba yoo nueggwa ibmar wisgulege bad Bibliagindi aa ibmargi sunmaglenadaenad. Escuelagi ibmar durdaglegedse baggar Bibliagine soglenaid. Biblia narmaglesgu amba dulemar nueggwa ibmar wissurmalan inigwale, aaun Bibliagindi bad bela nueggwa ibmar soglenainad. Binna binna ibmar durdagmaidba dulemardi geb daggarmalad, Bibliagi ibmar soglenaid bela nabirbii. Ar Bibliagi ibmar soglenaid ‘gege gwaged’ (Salmo 111:8).
3. ¿Ibiga be benguedsuli Bibliagi ibmar soglenanaid guedsegoe?
Yoogidse ibmar guoedgi Bibliagi sunmaglenaid, Bab Dummad soged, “ibmar yooedse guoedi amba diggasuli gued idu an sogsa[daye]” (Isaías 46:10). Ebbenne Bibliagi ibmar guoye soglesnanaedi, bela soglesadba ginelle gusnanaed. Bibliagi nueggwa soglenabalid, emi ibagine igi neg gudagoe. We lecciongi be durdaggoed, ibu ibmar iduaggwa Bibliagi soglesnanaedi, gagganga gussurnanae.
NUEGGWA WE IBMAR DURDAGMARGOLO
Wegine anmar daggoed, ibu ibmar Bibliagi soglenaidi geb sorba dulemardi durdagnoniggi, anmar dagbaloed ibu ibmarmar Bibliagi iduaggwa soglesnanabali.
4. Emi ibagi ibmar durdaglemaid bad diggasurgus Bibliagindi soglenainad
Ebbenne dulemar binsadaenad, nabbaneg ibmar birgi siye. VIDEO dagmalo.
3.500 años gus Jobdi bad we ibmargi sunmasanad. Job 26:7 absomalo, we ibmargi sunmagmarbalo:
¿Ibiga geg be iddogedsuli ‘nabbaneg ibmargi agganaisurye’ soglenaid?
Geb 200 años gus dulemardi wisgusad, ibigala nabbaneggi dii bergusurdae. Auggi, bad diggasurgus Bibliagindi we ibmargi sunmaglenainad. Job 36:27, 28 absomalo, we ibmargi sunmagmarbalo:
¿Igi dii bibbirmagsidaye soglenai?
Weg ibmar absoles nanaedi, ¿igi be bendag be iddoge?
5. Bibliagi soglesad weyob ibmar guoye
Isaías 44:27, 45:2 se absomalo, we ibmargi sunmagmarbalo:
¿Igi Babilonia neggwebur obelolegoye Bibliagi soglesa?
We ibmargi nergumalad sogmalad, 540 añossesaar Jesus gwalulegoedgine Persia rey Ciroye nugadi, e soldadomarbo Babilonia neggweburgi ubosmarye. Nabir dogmalagala diwar maid odinnosmarye. Aaunni, Babilonia dorgan muralla wagagmar eduged iesmarsoggua, aagala ibigwensur Babilonia neggweburgi ubosmarye. 2.500 años gwena gus we ibmar gusa inigwale, Babiloniagi anba dulemar buggudisulid. Dagmaloena, igi iduaggwa Bibliagi we ibmar soglesa.
Isaías 13:19, 20 absomalo, we ibmargi sunmagmarbalo:
¿Ar bule Babilonia neggweburde deyob gusdibe?
Babilonia ollo naid, Irakgi
6. Emi ibagi neg gunaid bad diggasurgus Bibliagindi soglesad
Bibliagi soglenaid, anmar ‘neg duggumosadgi’ bugye (2 Timoteo 3:1). Dagmaloena, igi neg gudagoye Bibliagi soglesa.
Mateo 24:6, 7 absomalo, we ibmargi sunmagmarbalo:
¿Neg duggumosar igi neg gudagoye Bibliagi soglenai?
2 Timoteo 3:1, 5 se absomalo, we ibmargi sunmagmarbalo:
Neg duggumosar, ¿dulemar igi dae gudamaloye Bibliagi soglenai?
¿Igi dulemar nue dagusmar be dagmoga?
ABAR SOGDAMALAD: “Bibliagi ibmar soglenanaid nabirsur nanaye”.
¿Ibiga bedi binsae Bibliagi ibmar soglenanaid gaggansur nanaye?
WE IGARGI SUNMAGLESAD
Bibliagi ibmar soglenanaid gaggansulid, ¿igi anmar wisi? Emi ibagi ibmar durdaglemaidba, geb bad abar Bibliagi ibmar soglesad gusnanabalidba.
Ibu be durdasa
Bibliagi ibmar soglenanaid ¿bule nue nabirdibe?
¿Ibu ibmarmar bad diggasurgus Bibliagindi soglenaina?
¿Yoogidse ibmar guoed Bibliagi soglenabardibe? ¿Ibigala deyob be soge?
NABIR BE WE IBMAR DURDASBALILED
¿Bule ginnelle Bibliagi ibmar soglenadadibe?
“Bibliagi ibmar soglenaid, ¿dulemar ibmar durdagmaidbo emar sognadibe?” (We garda jw.org gi nosad)
¿Igi be wisi anmar nue ‘neg duggumosadgi’ buggwa?
“Bibliagi ibmar soglesar gagganga gussurdaed” (La Atalaya, mayo 1, 2011 gad)
Wegine soglenaid, Grecia neggweburgi igi ibmar guoye Bibliagi soglesa.
Wegine soglenaid, dule wargwen Biblia durdadgua igi mag iddononiggi, Biblia, Bab gaya burba.
“Bab maidgi an binsadisulinad” (La Atalaya, num. 5, 2017 gad)