Lección 4
¿Doagi Nia?
Satanás Diablo, ¿bia daniki? (1, 2)
¿Igi dulemar yardake? (3-7)
¿Ibigala Nia abinni mer be sikirmakoe? (7)
1. Waggayaba soglegedi “diablo”, dule emar ogakansaed obare, emar nug oisoega. “Satanás” sogleged dina, emar istarad gala gued obare, emar bali nasulidi. Weyob onugsalege anger Bab Dummad e istarad gala gued, bur birigined. Gebeunni we anger isgued satena, Bab Dummad bogwa gudiina nibneg gine, aukine na dummarba imakali geb Bab Dummad yobi gubiguali, dulemar ese goled abeali. (Mateo 4:8-10.)
2. We anger, Satanás, naibe darbali Eva bogwa sunmaksa. Geb gakansaed bali, un imaksa mer Eva Bab Dummad soged bali daega. Weyobi Satanás yolenoniki, Bab Dummad “na e wargwengi neg semaid” gine, Dule Dummad gued bali. Geb binsalenonisunna bule Bab Dummad nued neg sesar dibeye, eba nanaimaladga. Amba sogsa yobi gusbali, dule wargwensaale innikigwad bali gege Bab Dummad bali naguye. Weyob daed bali Bab Dummad e istarad gala gunonisunna. We ulale onuggulenoniki Satanás Diablo ( Nia). (Génesis 3:1-5; Job 1:8-11; Revelación 12:9.)
3. Nia, dulemar yardaked gine arbanai, ese gormalaga. (2 Corintios 11:3, 14, Bab Dummad Jesucristoba Igar Mesisad Garda.) Soggwen gine emar yardake gala ebuge, mision nabirsulid. Ar mision soggwen ibmar nabirsulid Bab Dummad siki odurdakele, degiir dina Nia ibmar abegedi imaknai. (Juan 8:44.) Dulemar mision nabirsurmalad bali namaladi, sunna binsamalale innikigwad bali Bab Dummad napiragwad sega gornamarye. Aukine bur Nia gala arbananaile, ar wee ‘bab-dummad-we-napneggined’ gala gued. (2 Corintios 4:4, Bab Dummad Jesucristoba Igar Mesisad Garda.)
4. Anger isganamalad bogwa sunmakedi Nia amba ebubali dulemar yardakega. Abar dulemala imbakwa gordamala burbarmalad isganamalad sega e bendakega, bamalad naibi saega, ibmar yoo gunonikoed ega sogega, ibmar dule bamalad geg imakedi e gala imakegar dibe. Bela we ibmar gued yargan bali, Nia gangued isgana barmisii. Anmar abesundibe Bab Dummad nued anmar dakedi, mer anmar bipisaar binarguer gebe anger isganamalad bogwa sunmaked. (Deuteronomio 18:10-12; Hechos 19:18, 19.)
5. Nia amba dulemar yardakbali, dulemar na e dule bur dule nuedye soged gine geb politika igar bur ibmar birigined gala imaked gine. Abar dulemala binsamala e neggwebur o e dulemala bur nuedye dule bamaladba. Aukine we nabirsuli. (Hechos 10:34, 35.) Abar abdakmar bali politikomala bela neg isgunaid nudakedi. Deyob daed gine Bab Dummad e Reino obanbukmala, ar we Reinobi unnila anmar gala neg isgunaid nudakoedid. (Daniel 2:44.)
6. Baid ibmar Nia ebubalidi dulemar yardake gala, adina ibmar isgana binar gued gine emar wilupdaked. Jehová anmar gala soge mer ibmar isgana imakoye, ar edi wisi, anmar gala ibmar nued gala guosuli. (Gálatas 6:7, 8.) Abar dulemala abedagoe, ebali be nagumogadi we ibmar isgana imakedgi. Aukine be ebinsao, ar Nia bur abegedi be we ibmar imaked. (1 Corintios 6:9, 10; 15:33.)
7. Nia amba imakbaloe be balegillegedi, be gine be istarmalad onobaloe be Jehová gine banguega. Sun be gwenadgana sae itogele, be Biblia durdaknaid bali. Dule bamaladi sun be gine dododamaloe. Aukine, ¿doa, dula be sedidsunna? Ar Nia dina be ogwayebie, Jehová siki ibmar durdaknaidi be indakega. Mer be gine obined gala be sae. (Mateo 10:34-39; 1 Pedro 5:8, 9.) Be Nia abinni sikirmaksulile, sun be Jehová yeer itoge imaksale geb be oyosbalile Bab Dummad na E wargwengi neg semaid bali be naimoye. (Proverbios 27:11.)
[Pictures on page 9]
Mision nabirsulidi, anger isganamaladbo sunmakedi geb na e neggwebur bur nuedye binsaedi dulemar yardaknai
[Picture on page 9]
Jehová siki be durdaknai sae, Nia abinni mer be sikirmakega