¿Doamala Babdummad E Isdarmaladi?

Nia bur Babdummad e isdarad biriginedi. Nia dule burbaledi, we dule Jehová gine agbidsa. Satanás anba Babdummad abinni siggirmagnasuli. Bela dulemar gala negbeedse imagnai. Nia dule isgana, gaggan dule, dule emar oburgwedi (Juan 8:44).

Nia Babdummadgi agbidsagua, ángelmar nibneggi bugmaladi abar Nia bali aggasmarmoga. Biblia we ángelmar onugsae niamarye. We ángelmar Nia yobi dulemar e isdarad gumarmoga. Yeeriddodamala dulemar nagbi imaggele (Mateo 9:32, 33; 12:22). Jehová, Nia obelogoe geb ángelmar eba nagusmaladi, bar bibbisaale gudiguosurmala. Wemala bar undar dulemar nagbi imagdii guosurmala (Apocalipsis 12:12).

Anmar Babdummad ai gala gubiele, anmar mer imagger gebe Nia ibmar abegedi. Nia e ángelmar buraggwagwa, isdar Jehová dagmala. Wemala Babdummad e isdarmaladi; abemala anmar Babdummad e isdaradga gumarmogadi. Agala anmar sued abelege, doa bur anmar yeeriddoge imaggoe: Satanásdibe, Jehovádibe. Anmar sadegua gudigubisundibe, anmar Babdummad ibmar abeged imagger gebe. Nia ibmar galagwensur ebuge dulemar yardaggega. Wegii, buggidar dulemar ese yardaglebuggwad (Apocalipsis 12:9).