Babdummad Bur Anmar Ai Nuedga Nabir Gusale

Babdummad ai gala guedi bur ibmar nuedi. Babdummad be odurdaggoe igi be yeeriddodii gudiguoe geb dobsuli be gudigubaloe. Ibmar nabbirasurmalad gine be onogoe, geb ibmar isgana be imagdiiddina be iedoe. Be ese gollalile be iddogoe. Gwagegi nued iddodii be imaggoe geb be Babdummad gine bensuli be gudiguoe (Salmo 71:5; 73:28). Be gine negbeedsegid nonisogele Babdummad be bendaggoed (Salmo 18:18). Anba be gala Babdummad sogmabali be nabir sadegu gudigusarye (Romanos 6:23).

Be Babdummad waligga gudele, be Babdummad aimar gine waligga gudoe. Babdummad aimala be aimar gala gumarmogoe geb wemala be gwenadgan be negyaginmalad yobi be gala gumaloed. Babigargi be odurdagmalale yeeriddodamaloe, be bendagmaloe geb be ogannomar baloe mer be siggirmaggegala.

Anmar Babdummad bogwa emar suli. Be Babdummad ai gala gubiele, ibmar soggwen magiddo gued abelege: Babdummad ai gala guedi dulemar ai gala guedyob suli. Babdummad anmar iduale diggasurgus bad mai. Anba bur bule anmarba ibmar wisbali, e gangued nue anmargi obinagwarbali. Dule baid geg anmar gala bibbisaar Negseedga gue, unnila Babdummadbii. Aa gala anmar e ai gala gubiele, e ibmar soged iddodii gudiguer gebe geb eba ibmar imagbalidi. Babdummad sogedba anmar gudiile, we ibmar bibbisaar anmar gala ibmar isgana gala guosuli (Isaías 48:18).