Babdummad Aimala Neg Yeerdagleged Gine Gudigumaloe

Neg yeerdaglegedi emisgwa negisgunaid yobi guosuli. Babdummad bibbisaar abessuli, weyob negisgunai guedi geb dulemar wilebuggwa guedi. Yoogid sega Babdummad neg yeerdagleged gala we Nabbaneg imaggoe. ¿Igi we guoe? Anmar daggoena igi Biblia soge.

Dule nuegan. Babdummad e aimala Neg Yeerdagleged gine gudigumaloe. Wemala ibmar nuegan na mudsubmudsub na ega imagmaloe, geb Babdummad igar nuegan mamaid bali gudigumaloe (Proverbios 2:21).

Ibmar gulleged obinegwad gine. Neg Yeerdagleged gine dule wargwensaar uggumesosuli. Biblia soge: “Nabbaneggi ibmar gulleged obinegwadgi guoed” (Salmo 72:16, NM).

Negmar nuegana geb arbaed nuegan. Neg Yeerdagleged gine bela dulemala neg niggadbi gumaloe, geb bela dulemar yeeriddoged gine arbadii gumaloe (Isaías 65:21-23).

Negdirbimaggar urwed sadde. Bar bibbisaar dulemar urwenai guosulid, geb dulemar bar burgosuli neggweburmar na abinabin urwed gine. Babdummad Gaya Burba soge: “Neggweburmar nabo abinabin urwemaladi [Babdummadi] osulogoe” (Salmo 46:8, 9, NM).

Bonigan bergus. Biblia soge: “Dule wargwensaar [Neg Yeerdaglegedgi] sogosulid: ‘An gegumai’” (Isaías 33:24, NM). Bar nigguosuli dulemar muyamuya nanamalad geb ibyasurmalad, uaya yallirmalad geb wissur sunmagmalad (Isaías 35:5, 6).

Wileiddogedi geb ibmar nunmaggedi geb burgwedi bar nigguosuli. Babdummad Gaya Burba sognai: “We-dulemar bar burgosurmalad. Babdummad boed ega obelobaloed, degine, buggib-iddoged ega obergubaloed. Deginbali, we-dulemar nunmagged bar iddogosurmarbalid, ar ade bela ibmar-iduarmalad bergusad” (Apocalipsis 21:4).

Dule isganamar bar gudiguosuli. Jehová bad iduaggwa sogsa: “Nabbaneggi dule isganamardina siglemaloe; geb dule emar yardagmaladdina, nabbaneg gine unnulemaloe” (Proverbios 2:22, NM).

Dulemar na sabgudii gumaloe geb nagi dododii gudiguosurmala. Bar nigguosuli: ibmar isganamar, sabsur na imagmalad, dulemar ibmar binale doggus iddomalad, geb na isdar dagmalad bar nigguosuli. Bela dulemar na buraggwa urwedsuli anbagguoe geb Babdummad igar nuegan mamaidba gudigumaloe (Isaías 26:9).