LECCIÓN 9

¿Sanawa nabbaneg yeer dagle guoe?

Weyob neggunaidba, mag dagleged Bab Reino negisgunaid onugusoggali (Lucas 21:10, 11; 2 Timoteo 3:1-5)

Neg duggumosadba weyob ibmar gunaid: manibin dodomalad yaisurgusad, guerramar yaisurgusad, bonigan yaisurgusbalid, uggudba burgwemamabalid, mimmigan bar serganba igar sabisurgusmalad geb neg yagi nabo gadi urwegusmarbalid

Emi ibagi ibmar gunaid, bad diggasurgus Bibliagi soglesad. Soglesad, dulemar manibin surbinsa iddodamaloye, burwigan serganba igar sabisur gudamaloye, na sabsur imagdemaloye, geb iba onogedginbii binsadamaloye.

Negabandur dummagan nodagoed, guerramar nodagoed, mas galaggudoed, geb bonigan agnidagoed. Emi ibagi, weyob neggunaid.

Dule, Jehová igar nuegan mamaidba dule baidga sunmaggwissid

Bibliagi soglesbalid, bela negdirbimaggar Bab igargi sunmaglegoye (Mateo 24:14).

Bab Dummad Reino bela ibmar isgana obelogoed (2 Pedro 3:13)

Dulemar isganagan Armagedóngi obelolenanaid, geb Niadi gugmaglenaid

Jehová dulemar isganamar obelosoggalid.

Niamar dina gugmaglemaloed.

Jesús olo gangi Babneggi siid; bela dulemar yeer iddobugmalad

Babba igar samalad bendaglemaloed, nabbaneg nuedgi gudigumaloed. Negnugusale dulemar bar na dobgudii guosurmalad, na mussubmussub sabgudii gumaloed.