¿Biblia doagadye be sogsamogale?

BIBLIAGI SOGLENAID

“Babdummad Garda narmaggar maid bela Babdummad sogedba narmaglesad.” (2 Timoteo 3:16, Bab Dummad Jesucristoba Igar Mesisad Garda, e narmagleged wis ogwalesad.)

¿IBIGALA BIBLIA DURDAGGED ABELEGE?

Ar be ibmar wissur gudiid, Bibliagi, be durdaggoed (Proverbios 2:1-5).

Ar Bibliagi binsaed nuegan uglenanaid anmar nued gudiguega (Salmo 119:105).

Ar Bibliagi soglenaid igi yoogidse neg nuguoe (Romanos 15:4).

BIBLIAGI IBMAR SOGLENANAID ¿BULE NABIRDIBE?

Bibliagi ibmar soglenanaid gaggansur nanaed, ibmar sogbaa anmar daggoena:

• Nagi yolenanasulid. Biblia narmaglegegala, 1.600 años gagalesad. Dulemar 40 mergusaar Biblia narmasmalad. Narmasmaladi unnila birga soggwennaginbii gudigussurmalad, abar na wagargin gussurmarbalid. Deginigwale Bibliagi ibmar soglenanaidi nagi yolenanasulid. Ugginbali, Biblia unnila igar soggwennagi sunmagnaid.

• Ibmar gusmalad ginelle soglenanaid. Ibmar gusmalad narmagmaladi e neggwebur galaggusale sogsasurdamalad. Biblia narmasmaladdina ibmar soggwensaar oduggussurmalad, sogsamalad, emarmoga ibu ibmar isgana imasmarmoga, geb e neggwebur ibmar isgana imasmalad oduggussurmarbalid (2 Crónicas 36:15, 16; Salmo 51:1-4).

• Bibliagi iduaggwa ibmar soglesale, gagganga gussurdaed. 200 añossesaar Babilonia neggwebur obelolegoe, iduaggwa soglesad we neggwebur deyob guoye (Isaías 13:17-22). Unnila belagwa iduaggwaa soglessulid, igi we neggwebur obelolegoena, soglesbalid, doa dule we neggwebur obelogoedina (Isaías 45:1-3).

  Bibliagine ibmar bamalad soglesnanaedi ginelle gusnanabalid. Degidde, ¡sun anmar sogosi, Biblia, Babdummadgadsurye! (2 Pedro 1:21.)