Mer na yardagdi gumalo

Jehová abeged, anmar, “dule[mar] wiledag[dii]” gued (Miqueas 6:8). Degsoggu dule abirgin niggale bur buledo, ar na wiledagsurmalale na yardagdii gudmaloed. Na wiledagmalardina bur bule na sabgudmaloed.

Emi ibagi dulemar na niggumamaidi na gadi yardag gusmalad. Bemar na mer meddemalagala ibmar sogbo imagmalar gebed.

1 BE ABIRGINGIN INSO BINSADAO

BIBLIAGI SOGLENAID: “Igar nueganbi sunai gu[malo]” (Filipenses 1:10). Abirgin niggued igala dodogedsulid, we igar nuedid. Degsoggu geg be basur we ibmar dagged.

Jehová abesulid be dule baidbin gudigued, ar Jehovádi abeged be na unnila be abirginbobii yeer iddodi gued (Eclesiastés 9:9). Jehová sogmaid mer basur be na be abirgin daggoye, binsadii guoye, igi be nabir be abirgin yeer oiddodi gusale (1 Corintios 10:24). Be abirgin mag iddo gued abeleged, be saddele geg ega ibmar gue, be gadi e binale.

WEYOB BE NABIR IMAGGED:

• Be abirginbo nueggwa sunmagsii gudao

• Be abirgingi binsamogo, mer beginbi binsadao

2 MER ISSAGGWA BINSADII GUO

BIBLIAGI SOGLENAID: “Dule wargwen e ulubgi sunnasur ome wargwengi binsasale, baddo we dule na abirgunagwarsuli negsidsigi omegi yolesdo” (Mateo 5:28). Dule, dule baidbo galagwensur guedgi binsadiile, baddo na e abirgingi yoledido.

Jehová sogmaid melle ibmar isganagi binsadii gumaloye (Proverbios 4:23; Jeremías 17:9). Degsoggu yogsaar ibmar dagdii gued nuedsulid (Mateo 5:29, 30). Jobyobi ibmar imagmogo, Job sogsad, an, ome wargwen daggalile, bibbisaale galagwensuli an egi binsaosurye (Job 31:1). Degsoggu mer nisaed garda daggedgi binsao. Melle dule baid abegedgi bibbisaar binsadii gubalo.

WEYOB BE NABIR IMAGGED:

• Dulemar mag dagged abeleged, be, be abirgin yardaggedgi bibbisaar binsadisuli

• Be abirgin abesulile be doggus dule wargwen binar guedi, be abirgin soged iddogo, mer igar aburega