LECCION 18
Doamar bur nue Cristo sordagan sunsogmaladi
Cristo sordaganye sogmalad yaisulid, auggi na emarbi ibmar imagsurmarbalid, na emarbi dasurmarbalid. Degidde, ¿igi nabir anmar wisgusarsunna doamar bur nue Cristo sordagan sunsogmaladi?
1. ¿Igi mag daglegoe doamar bur nue Cristo sordagan sunsogmaladi?
Jesucristo sabbingan Cristo sordaganye bilemalad (Gusmalad 11:26 absogo). Dule Cristo sordaye sogele, ¿igi mag daglegoe nue Cristobali nai? Jesus weyob sogsad: ‘Bemar an gaya burba sunmaggedba nanaele, bemar an sabbingan sunnadga gumaloed’ (Juan 8:31). Degsoggu, Cristo sordagan sunsogmaladi, Jesus ibmar odurdasadba ibmar imagmaloed. Igi Jesus Biblia sogedba dulemar odurdagdi gusa, e sordagan sunsogmalad deyob imagmarmogoed (Lucas 24:27 absogo).
2. ¿Igi mag daglegoe Cristo sordagan sunsogmalad nue na sabmala?
Jesus e sabbinganga sogsad: “Igi an bemar sabgusmarmoga, deyob na be mussub mussub sabgumarmogo” (Juan 15:12). ¿Igi mag daglesa Jesus nue na e sabbingan sabe? Na e sabbinganbo ibmar imasdaed, na e sabbingan bendasbalid, na e sordagan anar burgwisbalid (1 Juan 3:16). Igi Jesus na e sabbingan sabgusa, deyobi, e sordagan sunsogmalad unnila binsa sabed igargi sunmagsurmarmogad, ibmar aggar gudele na mussub mussub bendagmarmogad.
3. Cristo sordagan sunsogmalad, ¿bur ibu imaggedgi arbamala?
Jesus, e sabbinganga arbaed soggwen ugsad, e sabbingan barmisad, “Bab Dummad e neg dagmaidgi sunmaggega” (Lucas 9:2). Ebbenne Cristo sordagan buggusmaladi, unnila e igar iddoged negginbi Bab igargi sunmassurdamalad. Bab igargi sunmaggega dulemar yaisulidse naddamalad, dulemar negyase negyase arbidamarbalid (Gusmalad 5:42; 17:17 absogo). Emi ibagine, Cristo sordagan sunsogmalad dulemar yaisulidse Bab igargi sunmagnaddamarmogad. Dulemar sabedbali wassi amisdamalad, na e mani oesdamarbalid, nabir dulemarga Bab igargi sunmagnaega (Marcos 12:31).
NUEGGWA WE IBMAR DURDAGMARGOLO
Wegine be durdaggoed, igi be nabir wisgusale doamar bur nue Cristo sordagan sunsogmaladi.
4. Biblia sogedba igar imagmalad
Ebbenne Cristo sordagan buggusmalad nueggwa Biblia sogedba igar imasmalad.
Abar dulemar Cristo sordaganye sogmalad nueggwa Biblia sogedbardi igar imagsurdamalad. VIDEO dagmalo, we ibmargi sunmagmarbalo:
Abar dulemar Cristo sordaganye sogdi gusmaladi, ¿ibu imasmala dulemar mer wisguega, ibu ibmargi Cristo emar odurdasa?
Jesusdi Bab gaya burbagi ibmar soglenaid odurdasad. Juan 18:37 absomalo, we ibmargi sunmagmarbalo:
¿‘E sordagan sunsogmalad’ ibu imagmaloye Jesus sogsa?
5. Biblia sogedba dulemar odurdagmalad
Ebbenne Cristo sordagan buggusmalad Bab igargi sunmasdamarbalid.
Jesus babnegse naed idu e sordaganga arbaed soggwen ugsad, emi ibagi anba aa ibmargi arbalenaid. Mateo 28:19, 20 geb Gusmalad 1:8 absomalo, we ibmargi sunmagmarbalo:
¿Sanawadse Bab igargi sunmaglenai guoye Jesus sogsa, geb bannawadse owarmaggoye sogsabali?
6. Binsa gaggaginbi ibmar sogsurmalad
Dule Tomye nugadi, ¿ibigala bensuli emidi nue Cristo sordagan sunsogmaladba aggasa? VIDEO dagmalo, we ibmargi sunmagmarbalo:
¿Ibigala Tom sogsa, iglesiamar e yardasye?
Dule Tomye nugadi, ¿ibigala bensuli emidi nue Cristo sordagan sunsogmaladba aggasa?
Ibmar gayaginbi soglesulid, be daedgi be oyobalir gebed. Mateo 7:21 absomalo, we ibmargi sunmagmarbalo:
Ibu ibmar bur nue abeleye Jesus sogsa, ¿gayaginbi sogedi an Bab wismoye, bur eba igar imaggeddibe?
7. Nue na sabmalad
Ebbenne Cristo sordagan buggusmalad na bela beladse sabgusmarbalid.
Cristo sordagan sunsogmalad e sordagan anar burgweye soger, guaggwa damalad. VIDEO dagmalo, we ibmargi sunmagmarbalo:
¿Ibigala Lloyd, Johansson anar burgwegega guaggwagwana?
¿Bule Lloyd Cristo sorda sunsoged daglesunna?
Juan 13:34, 35 absomalo, we ibmargi sunmagmarbalo:
Jesus sordagan sunsogmaladi, ¿e dulesurmalad igi dagmaloye Bibliagi soglenai?
¿Guerra noalir igi mag daglesarsunna nue na sabmala?
ABAR SOGDAMALAD: “Ar Cristo sordagan bur dulemar wiodidimalad. Ar degidde, ¿sun Babgadga guosi?”.
¿Bia Bibliagi be absosale dulemarse oyogega, Cristo sordagan sunsogmaladdi igi ibmar imagmala?
WE IGARGI SUNMAGLESAD
Cristo sordagan sunsogmaladdi, Biblia sogedba igar imagmalad. Dulemar sabedba ibmar soggwenna imagsurmalad, Bab igargi dulemarga sunmagmarbalid.
Ibu be durdasa
Cristo sordagan sunsogmaladi, ¿ibu librogi ibmar soglenaidba emar odurdagmala?
Cristo sordagan sunsogmaladi, ¿bule na sabdamala?
Cristo sordagan sunsogmaladi, ¿bur ibu imaggedgi arbamala?
NABIR BE WE IBMAR DURDASBALILED
Doamar emi ibagi bur Jesucristo ibmar odurdasadba igar imagmagdidii. Wegine aa igargi sunmaglenaid.
Wegine soglenaid, monja wargwen igi nabir “Bab igar sunsoged” amisa.
“Biblia sogedba an odurdasmalad” (La Atalaya, abril 1, 2014 gad)
Cristo sordagan sunsogmalad e sordaganga neg aggar gusar na mussub mussub bendasdamalad.
Neg aggar gusar anmar na mussub mussub bendasdaed (aagi sualed) (3:57)
Jesus sogsad igi e sordagan ibmar imagmaloe. Wegine soglenaid, ebbenne Cristo sordagan igi Jesusba igar imasmala, emi ibagine Cristo sordagan igi Jesusba ibmar imagnanamoga.