LECCION 25
¿Igi gudi guega Bab Dummad anmar obinyisana?
Bibliagi soglenaid, dulemar “unnila siggwas gudi gued, ar bonigandi buggidar daed” (Job 14:1). ¿Unnila deyob gudi guega Bab Dummad anmar obinyisandibe? Deyob sulirdina, ¿igi gudi guedga Bab Dummad anmar obinyisansunna? ¿Ar ibagwengi nabir anmar nued gudi guodibe? We lecciongi be durdaggoed, igi anmar yoogidse gudi guoye Bibliagi soglenai.
1. ¿Igi gudi gued Jehova anmar abege?
Jehova abeged anmar yeer iddodi gued. Aagala, gebbe dulemar obinyisgua, Adan, Evabo, neg yeer daglegedgi ogwissisad, Edengi. Aagine, ‘Bab Dummad we dulemargi ise nued binsasadba, ega sogded: Bemar mimmigan buggidar niggumar. We nabneggi dula buggidar urbemar, degi, bela we nabneg ugaggase ambiggumar. Bemar we nabneggi, bela ibdurganmargi obindi gumarsun’ (Génesis 1:28). Degsoggu, Jehova abesanad, Adan, Evabogwa, buggidar mimmigan niggumalad, bela nabbaneg yeer dagle imagmalad, geb ibmar durgan aggwedi gumarbalid. Jehova abesanad, dulemar sadegu gudi gued, abessulinad, dulemar boniganba gaedi gued.
Jehova sogedba ibmar gussur inigwale,a anba na deyob ibmar imaggedgi binsamaid (Isaías 46:10, 11). Jehovadi anba abemaid, dulemar e sogedba igar imagmalad neg nuedgi sadegu gudi gumalad (Apocalipsis 21:3, 4 absogo).
2. ¿Ibu anmar imagger gebe nabir emi ibagi yeer iddodi guega?
Jehova anmar imasad, “e igar nabbiragwad bina iddoge”, aagala anmar Bab igar durdagbi iddodaed, aaga, anmar Jehovaga arbabidabalid (Mateo 5:3-6 absogo). Jehova abeged, anmar e aigala gued, anmar “bela e igarmar mamaidba nanaed”, anmar e sabgued, geb anmar nueggwa ega arbabalid (Deuteronomio 10:12; Salmo 25:14). Anmar deyob ibmar imagdaele, anba anmarga neg undar guarsundibe, nabir anmar yeer iddodi gusaled. Ar Jehovaga arbaedbi unnila inniggigwadgi yeer iddodi guega anmar imaggoed.
NUEGGWA WE IBMAR DURDAGMARGOLO
Wegine be durdaggoed, Jehova anmar sabedba anmarga nabbaneg nasisye, geb igi gudi guegala Jehova anmar obinyisye Bibliagi soglenabali.
3. Jehova abemaid, anmar yeer iddodi gued
VIDEO dagmalo, we ibmargi sunmagmarbalo:
¿Ibigala Bab Dummad nabbaneg yeer dagle imasa?
Eclesiastés 3:11 absomalo, we ibmargi sunmagmarbalo:
Bibliagi be ibmar absosadbali, ¿Jehova dule igi daed be dagsunna?
4. Jehova abemaid, anmar sadegu gudi gued
Salmo 37:11, 29 geb Isaías 55: 11 absomalo, we ibmargi sunmagmarbalo:
¿Igi be wisi, Jehova anba abemai anmar sadegu gudi gued?
Igi neg nungussiir nabir gannar obinolege, dulemar nabbaneg oissosmo inigwale, Jehova nabir gannar nabbaneg onudagmogoed, dulemar e igarba nanadimaladga.
5. Jehovaga arbaed yeer iddodi guega anmar imagged
Be wisgunoniggile, igi gudi gued Jehova anmar abegena, be yeer iddosmogaled. VIDEO dagmalo, we ibmargi sunmagmarbalo:
Terumi durdasad, igi gudi guega Jehova anmar obinyisana. We ibmar durdasadi, ¿igi Terumi bendasa?
Eclesiastés 12:13 absomalo, we ibmargi sunmagmarbalo:
Jehova bela anmarga ibmar obinyisadsoggua, ¿ibu anmar ega imagged abelemoga?
ABAR SOGDAMALAD: “¿Igi gudi guedga Bab Dummad anmar obinyisana?”.
Dule deyob beg soggalile, ¿igi ega be sogsale?
WE IGARGI SUNMAGLESAD
Jehova abeged, anmar sadegu nabbaneggi yeer iddodi gued. Degsoggu, anmar nueggwa Jehovaga arbadiile, emi ibagi anba nabir anmar yeer iddodi gusaled.
Ibu be durdasa
Jehova, Adan, Evabo obinyisgua, ¿igi gudi gumalad abesana?
¿Igi be wisi, Jehova anba abemai anmar sadegu gudi gued?
¿Ibu be imagger gebe, emi ibagi nabir yeer iddodi guega?
NABIR BE WE IBMAR DURDASBALILED
Igi anmar wisi, gaggansuli, Jardin de Eden nue nagusa.
“Jardin de Eden nagusye soglegedi, ¿bule nue nabirdibe?” (La Atalaya, enero 1, 2011 gad)
Wegine soglenaid, igi anmar wisi nabbaneg bibbisaar obelolegosuli.
Wegine soglenaid, ibigala Bab Dummad anmar obinyisa.
Wegine dule wargwengi sunmaglenaid, we dule binsadaenad, ed bad bela ibmar nigye, auggi, sorba dagnoniggid anba ibmar soggwen nabbi.
a Baid lecciongi anmar durdaggoed, ibigala neg isgusa.