LECCION 12
¿Ibu be nabir imasale mer Biblia durdagnaid indaggega?
Biblia durdagged nue anmar bendagge inigwale, auggi, Biblia durdaggega anmarga ibmar ibigwensur guosurbalid. Deyob beg ibmar gudele, sun be binsadaged, un an Biblia durdagnaid obelogodibeye. Auggi, ¿ibigala Biblia durdagged nue abelesunna? Beg ibmar ibigwensur gusulile, ¿ibu be nabir imasale mer Biblia durdagnaid indaggega?
1. ¿Ibigala Biblia durdagged nue abelege?
Bibliagi soglenaid: “Bab Dummad gaya burba dulasaglad,” gangued nigbalid (Hebreos 4:12). Biblia, libro nuedid, ar aagine Bab Dummad binsaed narmaggar naid. Aagine soglenabalid, Bab Dummad wile be dagmamoye. Degsoggu, binsa unnila Bibliagi ibmar durdaglesulid, aadi be bendaggoed nabir be ibmar nuegan imagdi guega, be bendagbaloed yoogidse nabir be yeer iddodi guega. Biblia durdagged be bendagbaloed, nabir be Jehova ai nuedga gumogaga. Biblia durdagmaidba bur bule be daed nugumai gudbaloed.
2. ¿Ibigala anmar Biblia durdagged ibmar nued gue dagged abelege?
Bibliagine ibmar nuegan soglenanaid. Aagala, Bibliagi anmarga weyob soglenaid: “Igar nabbiragwad be amie. Mer be ibmar baid anar ogwao” (Proverbios 23:23). Biblia durdagged begala ibmar nued guele, igi beg neg guarsundibe, be indaggedgi binsaosulid (Proverbios 2:4, 5 absogo).
3. ¿Igi Jehova be bendaggoe mer be Biblia durdagnaid indaggega?
Jehova be obinyisadid, be aibalid, degsoggu, wile be daggedbali be bendagbied nabir be nueggwa e igar durdaggega. Jehova be bendaggoed be ‘ibmar nuegan imaggedbina sogega, be ibmar nuegan imagbi’ gudabaliga (Filipenses 2:13 absogo). Degsoggu, ibagwengi bar be Biblia durdagbisur guarsundibe, Bibliagi ibmar soglenaidba igar imaggega beg undar guarbarsundibe, Jehova nabir be bendasaled. Biblia durdagnaidba dulemar beg dodoardaele, isdar be dagleardibe, Jehova be bendagbaloed. Degsoggu, Jehovaga sogdao, an bendagye, mer an Biblia durdagnaid indaggega (1 Tesalonicenses 5:17).
NUEGGWA WE IBMAR DURDAGMARGOLO
Wegine be durdaggoed, ibu be nabir imasale mer Biblia durdagnaid indaggega, dulemar begi dodoalirdibe, arbaed yaisur niggadbardibe. Be durdagbaloed, igi Jehova be bendagmogoe.
4. Biblia durdagged ibmar nuedid
Inbaggwa anmar ibmar saed yaisur niggadba anmarga undar guardaed Biblia durdaggega. Degiile, ¿ibu be nabir imasale? Filipenses 1:10 (TNM) absomalo, we ibmargi sunmagmarbalo:
Igi be binsae, ¿‘ibu ibmarmar bur nue abelemaladi’?
¿Igi be nabir imasale, ibmar baid imagged ular mer be Biblia durdagsuli guega?
Bormo yaggi uggub inso be osobsale, sorba be aggwamar osobbibalile bela aggwamar dogsasuliled.
Auggi aggwamar inso be osobsardina, sorba nabir uggub belasaar osoblesaled. Aayobi, ‘ibmar nue abelemalad’ inso be imagdamogale, nabir sorba bela be ibmar bamalad imasbaliled.
Biblia durdagged be bendaggoed nabir be nueggwa Bab igar durdaggega, nabir be Babga nueggwa arbadi gubaliga. Mateo 5:3 absomalo, we ibmargi sunmagmarbalo:
Biblia durdagged be yaisur iddodamogale, ¿Bab Dummmad igi be daggoe?
5. Mer bibbisaar Biblia durdagged indaggo
Sun abar dulemar begine alamagdagoed, be Biblia durdagnaid indaggega. Ebbenne Francesco deyob gusmogad, wegine soglenaid igi Francesco waladasa. VIDEO dagmalo, we ibmargi sunmagmarbalo:
Francesco sogsagu an Biblia durdagnaye, ¿igi e gwenagan guarmala? ¿Igi e aimar guarmarmoga?
Biblia durdagged indassulidbali, ¿Francesco nabir doamar bendasmoga?
2 Timoteo 2:24, 25 absomalo, we ibmargi sunmagmarbalo:
Biblia durdagnai be daggarmalale, be gwenagana, be aimala, ¿igi beg soggardamala?
Biblia durdagnaidba dulemar beg dodoarmalale, ¿ibu mer be imaggoye Bibliagi soglenai? ¿Ibigala be deyob soge?
6. Mer iego, Jehova be bendaggoed
Bur bule be Bab Dummad aigala gudele, bur bule be eba igar imagbi gudabaloed. Auggi, inbaggwa sun beedse guardabalid Bab Dummad sogedba igar imaggega. Ibagwengi deyob bega ibmar gualile, mer iego, Jehova be bendaggoed. VIDEO dagmalo, we ibmargi sunmagmarbalo:
¿Jim ibu imasa Jehova sogedba igar imaggega?
¿Jim ibu imasadi geg be iddoge?
Hebreos 11:6 absomalo, we ibmargi sunmagmarbalo:
¿Ibu Jehova imaggoe, “dulemar e amidimaladga”?
¿Igi Jehova iddodadibe daggalir, be Biblia durdaggega alamagnamoga?
ABAR SOGDAMALAD: “¿Ar ibig be Biblia durdagnai?”.
Bedina, ¿ibigala Biblia durdagnaye be sogsale?
WE IGARGI SUNMAGLESAD
Biblia durdagged ibigwensur gusur inigwale, auggi, aadi be bendaggoed nabir be sadegu yeer iddodi guega. Jehova sogedba be igar imaggele, Jehova be bendagmogoed.
Ibu be durdasa
¿Ibigala Biblia durdagged nue abeleye be binsamoga?
Bad be wisgussoggu ibu ibmar imagged bur nue abelege, emidi, ¿ibu imaggedgi be binsamoga?
¿Ibigala be Jehovag soged abelege, an bendagye mer an Biblia durdagged indaggega?
NABIR BE WE IBMAR DURDASBALILED
Wegine ibmar sogbagge soglenaid, mer anmar binsa yogasaar ibmar imaggega.
“Ibu be nabir imasale mer yogasaar ibmar imaggega” (¡Despertad!, febrero 2014 gad)
Ome wargwen Jehovaga arbabienad, auggi e suidi abesulinad. Wegine soglenaid igi Jehova we ome bendasa.
Wegine soglenaid, ome igi alamasadbali e sui nabir Bab igar durdasmoga.
Inbaggwa sogleardaed, Jehova sordagana, dulemar na abirgin meddedga imagmarye, ¿bule nabirdibe?