¿Doagi Bab Dummad?

Diggasurgus dulemar ibmar baid baid na e bab dummadga imaggarmalad. Auggi, Bibliagindi Bab Dummad wargwengi sunmaglenaid, soglenaid, aadi ‘baigan bab dummaganba bur dummaye’ (2 Crónicas 2:5). ¿We Bab Dummad doasunna? ¿Ibigala baigan bab dummadye soglemaladba bur dumma gusunna? We lecciongi be durdaggoed, ibu ibmar wisgued Bab Dummad be abege.

1. ¿Bab Dummad igi nuga? ¿Igi anmar wisi Bab Dummad abege anmar e nug wisgued?

Bibliagi Bab Dummad anmarga sogmaid: “¡Ani an Jehova gued! ¡Deyob an nugad!” (Isaías 42:5, 8 absogo). Jehova nuga hebreo gayabalid. We ibmargi nergumalad sogmalad, we nug obarye, Jehova “ibmar soggwen imaggoye sogsale, imaggedsedaye”. Jehova abeged bela dulemar e nug wisgumalad (Éxodo 3:15). Aagala, Jehova imasad e nuga, 7.000 gwena mergu Bibliagi narmaglegega.a Bab Dummad sunsoged nugad, Jehova, aadi, “nibneggi Bab Dummad gued. Nabneggi Bab Dummad gubalid” (Deuteronomio 4:39).

2. ¿Jehova nue doa dule guye Bibliagi soglenai?

Bibliagi soglenaid, bela ibmar bamalad bab dummadga imaglemaladbali, Jehova bur Bab Dummad sunsogedye. ¿Ibigala deyob soglenai? Ar Jehovabi bur dule dummad maid, ‘nabneggine aabi unnila Bab Dummad bur Birigined gued’ (Salmo 83:18 absogo). Jehovabi unnila “bela gangued niggad”. Degsoggu, ar ibu ibmar imagbie bela nabir imagged. Aadi ‘bela ibmar niggad obinyisbalid’, nibneggi ibmar niggad obinyisad, bergwable nabbaneggi ibmar niggad obinyisbalid (Apocalipsis 4:8, 11). Jehovabi unnila diggasurgus degi sadegu mai gubalid, geb degi sadegu mai gubaloed (Salmo 90:2).

3. Babse nug soggwennaba gorlesurdae inigwale, auggi na nug sunnad nigmogad

Bule nue abeledae dulemarse e nugba gorleged, we ibmar wisguega VIDEO dagmalo, we ibmargi sunmagmarbalo:

VIDEO: Nug soggwennaba ese gorlesurdae inigwale, auggi na nug sunnad nigmogad (0:​41)

• ¿Igi sun dule wargwense nabir gorlebali, auggi, ar e nug sunnaddadibe?

Bibliagi soglenaid, dulemar buggidar ibmar bamalad na e bab dummadga imaddamarye. Éxodo 18:11 absomalo, we ibmargi sunmagmarbalo:

• ‘Baigan bab dummadye soglemaladbali’, ¿doa bur Bab Dummad sunsogedi?

4. Jehova abeged be e nug wisgued, abebalid be e nugba ese goled

VIDEO: ¿Bab Dummad nug nigmodibe? (aagi sualed) (3:​11)

• ¿Ibigala Jehova abege dulemar e nug wisgued?

Jehova abeged dulemar e nugba es goled. Joel 2:32 absomalo, we ibmargi sunmagmarbalo:

• ¿Ibigala nue abelege Bab Dummadse e nugba gorleged, Jehovaye?

• ¿Igi be iddodae dule be nugba bes goler?

• ¿Igi Jehova iddodamodibe e nugba be ese godder?

5. Jehova abeged be e aiga gued

VIDEO: An, Bab Dummad sunsoged amidii gusad (8:​18)

• Bab Dummad nug durdasgua, ¿Soten igi iddosa?

Be dule wargwen e aiga gubiele bin be e nug inso wisgugweler gebed. Santiago 4:8a absomalo, we ibmargi sunmagmarbalo:

• ¿Ibu imagged Jehova be abege?

• Bab Dummadse be e nugba gordaele, ¿nabir be e aiga gusmogardibe? ¿Ibigala deyob be soge?

WE IGARGI SUNMAGLESAD

Bab Dummad sunsoged nugad, Jehova. Nabir anmar e aiga guegala Jehova abeged, anmar e nug wisgued, abebalid anmar e nugba ese goled.

Ibu be durdasa

• Abar dulemar ibmar bamalad na e bab dummadga imagdidiid, ¿ibugine Jehovadi bab dummadye soglemaladbo aggala?

• ¿Ibigala anmar Bab Dummadse e nugba goled abelege?

• ¿Jehova abedibe be e aiga gued? ¿Ibigala deyob be soge?

NABIR BE WE IBMAR DURDASBALILED

¿Igi anmar wisi Bab Dummad nue mai? Wegine aa ibmargi sunmaglenaid.

“¿Bule nue Bab Dummad madibe?” (We garda jw.org gi nosad)

Wegine soglenaid, igi anmar nue wisi, Bab Dummad gusgu diggasurgus magua.

“¿Doa Bab Dummad obinyisa?” (La Atalaya, agosto 1, 2014 gad)

Wegine soglenaid, anmar nueggwa wissur inigwale igi ebbenne nue Bab Dummad nug bilegena, auggi, ibigala anmar e nugba ese goled abelege.

“¿Doagi Jehova?” (We garda jw.org gi nosad)

Bab Dummad na nug soggwen nigmogad, auggi, ¿ar bule nue abeledibe Bab Dummadse e nugba gorleged? Wegine aa ibmargi sunmaglenaid.

“¿Bab Dummad nug sogbigwa nigga?” (We garda jw.org gi nosad)