«Турӑ Патшалӑхӗ ҫинчен ҫак Ырӑ Хыпара сарӗҫ»!
1. Ырӑ хыпара сарас ӗҫе чарса лартма ҫуккине эпир ӑҫтан пӗлетпӗр?
1 Иеговӑна хӑйӗн ирӗкне пурнӑҫлама нимӗн те чӑрмантарма пултараймасть (Ис. 14:24). Гедеон судьяпа унӑн 300 ҫар ҫынни 135 000 Мадиан ҫыннинчен тӑракан ҫара ҫӗнтерме пултарайман пек туйӑннӑ пулсан та, Иегова ӑна эсӗ Израиле Мадиа́м аллинчен ҫӑлӑн, эпӗ сана яратӑп тесе каланӑ (Тӳре 6:14). Иегова паян мӗнле ӗҫе туса тӑма пулӑшать? Иисус каланӑ: «Турӑ Патшалӑхӗ ҫинчен ҫак Ырӑ Хыпара сарӗҫ» (Матф. 24:14, Ҫ Х). Ҫак ӗҫ пурнӑҫланатех. Ӑна никам та чарса лартма пултараймасть!
2. Сӑваплӑ ӗҫе тунӑ чухне Иегова кашнине пулӑшасса мӗншӗн эпир ҫирӗп шанма пултаратпӑр?
2 Иегова пирӗнтен кашнине пулӑшать. Иегова хӑйӗн ӗҫлекенӗсем вӑй хунине пӗтӗмӗшле пиллесе тӑни пирки эпир пӗртте иккӗленместпӗр. Анчах та Иегова пирӗнтен кашнине пулӑшӗ-ши? Йывӑрлӑхсемпе тӗл пулсан Павел апостол Иегова хӑйӗн ывӑлӗ Иисус урлӑ хӑйне пулӑшнине туйнӑ (2 Тим. 4:17). Пирӗнтен кашни Иеговӑн ирӗкне туса тӑмашкӑн тӑрӑшнине Турӑ пиллессе эпир ҫирӗп шанма пултаратпӑр (1 Иоан. 5:14).
3. Мӗнле лару-тӑрусенче Иегова пире пулӑшать?
3 Кулленхи ӗҫсене пула сӑваплӑ ӗҫе тума вӑй сахалланса юлнине эсӗ асӑрхатӑн-и? «Вӑл ывӑннине вӑй парать» (Ис. 40:29—31, ҪТ). Хӑваланипе е хӗсӗрленипе эсӗ тӗл пулатӑн-и? «Инкек-синкек ҫитсессӗн Ҫӳлхуҫана шан, Вӑл сана пулӑшӗ» (Пс. 54:23). Манран пулмасть тесе эсӗ шухӑшлатӑн-и? «Кай, Эпӗ санӑн чӗлхӳ-ҫӑварупа пулӑп» (Тух. 4:11, 12). Сывлӑх начар пулни сӑваплӑ ӗҫе ытларах хутшӑнма чӑрмантармасть-и? Эсӗ чун-чӗререн тӑрӑшса ӗҫленине — сахал-и вӑл е нумай — Иегова хаклать тата пиллет (1 Кор. 3:6, 9).
4. Иегова пулӑшасса ҫирӗп шанса тӑни пире мӗн тума хавхалантарать?
4 Иегова аллине тӑснӑ — кам ӑна сирсе яма пултарать (Ис. 14:27). Эпир Иеговӑшӑн ӗҫлесе тӑнине Вӑл пиллессе ҫирӗп шанса тӑрса «Турӑ пулӑшнипе», айтӑр, малалла та ырӑ хыпара хӑюллӑн сарар! (Ап. ӗҫ. 14:3).