Сӑваплӑ ӗҫри ҫитӗнӳсем

Раҫҫейре 2013 ҫулта май уйӑхӗнчен пуҫласа октябрь уйӑхӗччен пуху ҫумне ҫирӗплетмен территорисенче ырӑ хыпар сармалли ятарлӑ кампанисем иртни ҫинчен пӗлтерме питӗ хавас. Ун чухне 910 пуху 424 административлӑ районта пурӑнакансене Турӑ Патшалӑхӗн ырӑ хыпарне пӗлтернӗ. Ҫапла майпа пухури хастарлӑ тӑвансем Павел апостолтан тӗслӗх илнӗ, вӑл ҫырнӑ: «Ӗҫӗме ҫын никӗсӗ ҫинче тӑвас мар тесе Ырӑ Хыпара Христос ятне илтнӗ ҫӗрте сарма тӑрӑшмарӑм. Ҫырура: „Ӑна Ун ҫинчен хӑйсене хыпар ҫитменнисем курӗҫ, Ӑна Ун ҫинчен илтменнисем пӗлӗҫ“ тенӗ пек турӑм» (Рим 15:20, 21).