Пӗрлӗхре пӗрле ӗҫлетпӗр

1. Пуҫтарчӗ Иегова пире,

Пурнӑҫларӗ хӑй сӑмахне:

Пӗрлӗх, мир пирӗн хушӑра —

Ку вара чӑн телей.

Пӗрлӗх пире хаклӑ,

Туслӑх кӑмӑллӑ.

Турӑшӑн ӗҫленӗ чухне

Пулар пӗр шухӑш-кӑмӑллӑ,

Турра итлесе пурӑнар,

Тӑвансене хаклар.

2. Пӗрлӗхшӗн кӗлӗ тусассӑн,

Пӗр-пӗринпе ырӑ пулсан,

Юрату, Турра мухтасси

Пырӗ ӳссех-ӳссех.

Мир пит уҫӑлтарать,

Кӑмӑла ҫӗклет.

Тӑванла ӑшшӑн юратсан,

Турӑ парнелет мир ҫӳлтен.

Ӗмӗр-ӗмӗрӗпе пӗрле

Мухтар Аттемӗре.