Ҫӳлхуҫан Каҫхи апачӗ

1. Эй, ырӑ Аттемӗр, Иегова,

Сӑваплӑ каҫ ҫитрӗ те ак!

Ӗмӗрсем каялла хӑвӑн ырӑлӑхна

Кӑтартнӑ-ҫке эс уҫҫӑнах;

Ҫав каҫ халӑхна эсӗ ҫӑлнӑ,

Хӑтарнӑ путек юнӗпе.

Ҫӗр-ҫӗр ҫул иртнӗ хыҫҫӑн юн тӑкнӑ Христос,

Эс малтан каласа хунӑ пек.

2. Ак хӗрлӗ эрех, акӑ ҫӑкӑр —

Каҫхи апатри символсем.

Эс пире хӗрхенсе Ывӑлна панине

Аса илтереҫҫӗ вӗсем.

Ҫак каҫ ун ҫинчен шухӑшлатпӑр.

Хаклатпӑр паха парнене —

Пурнӑҫне панипе Ывӑлу ҫынсене

Вилӗмрен тӳлесе илнине.

3. Эпир тем пекех пархатарлӑ —

Пӗрле тав тӑватпӑр сана,

Ҫав тери юратнишӗн мухтатпӑр чунтан

Сана тата сан Ывӑлна.

Христос йӗрӗпе ҫеҫ пымашкӑн

Ҫак каҫ тӗреклеттӗр пире.

Нихӑҫан вӗҫленми пурнӑҫа тивӗҫме

Ҫирӗп пултӑрччӗ пирӗн чӗре.