Пухура мир тата пӗрлӗх пултӑр тесе тӑрӑшӑр

Эпир хамӑрпа пӗр пек ӗненекен тӑвансем хушшинче пулнӑ чухне хамӑра Давид патша пекех туятпӑр. Вӑл каланӑ: «Тӑванпа тӑван пӗрле пурӑнни мӗнле ырӑ, мӗнле илемлӗ!» (Псалом 132:1). Пирӗн хушӑри пӗрлӗх ӑнсӑртран пулса кайман. Пӗрлӗх пултӑр тесе пирӗнтен кашни вӑй хунӑ.

1. Турӑ халӑхӗ мӗнпе палӑрса тӑрать?

Эсир урӑх ҫӗршывра пухӑвӑн тӗлпулӑвне кайсан, унти чӗлхене ӑнланмасан та, хӑвӑра килти пекех туятӑр. Мӗншӗн? Мӗншӗн тесен эпир пур ҫӗрте те Библие пӗр программӑпа вӗренетпӗр тата пӗр-пӗрне юрататпӑр. Кирек ӑҫта пурӑнсан та, эпир пурте пӗр Турӑшӑн, Иеговӑшӑн, ӗҫлесе тӑратпӑр тата ӑна пӗрлӗхре пуҫҫапатпӑр (Софония 3:9, «Ҫӗнӗ тӗнче» куҫару).

2. Пухура мир тата пӗрлӗх пултӑр тесе эсир мӗн тума пултаратӑр?

Библи пире ҫапла тума хавхалантарать: «Пӗр-пӗрне яланах чунтан-чӗререн юратӑр» (1 Петр 1:22, Ҫӗнӗ Халал). Ҫак канаша эсир пурнӑҫра мӗнле тытса тӑма пултаратӑр? Ыттисен ҫитменлӗхӗсене асӑрхас вырӑнне вӗсен лайӑх енӗсене курма тӑрӑшӑр. Хӑвӑрпа пӗр пекрех тӑвансемпе ҫеҫ мар, хӑвӑртан уйрӑлса тӑракан тӑвансемпе те хутшӑнӑр. Ҫавӑн пекех пирӗн ҫынна камне кура уйӑрасси пур пулсан, ҫавна пӗтерес тесе пӗтӗм вӑйран тӑрӑшмалла. (1 Петр 2:17 вулӑр.)a

3. Сире пухура кампа та пулин килӗштерсе пурӑнма йывӑр пулсан мӗн тумалла?

Пирӗн хушӑра пӗрлӗх, анчах пирӗн пурин те ҫитменлӗхсем пур. Хӑш-пӗр чухне эпир пӗр-пӗрне кӳрентеретпӗр тата ҫиллентеретпӗр. Ҫавӑнпа Библи пире ҫапла калать: «Пӗр-пӗрне пӗтӗм кӑмӑлтан каҫарӑр. Иегова сире пӗтӗм кӑмӑлтан каҫарнӑ пек, эсир те ҫаплах каҫарӑр». (Колоссӑ 3:13 вулӑр.) Эпир Иеговӑна час-часах кӳрентеретпӗр, ҫав-ҫавах вӑл пире каҫарать. Ҫавӑнпа та вӑл пирӗнтен пухури тӑвансене каҫарасса кӗтет. Эсир кама та пулин кӳрентертӗр пулсан, мирлешес тесе хӑвӑр пӗрремӗш утӑм тӑвӑр. (Матфей 5:23, 24 вулӑр.)b

НУМАЙРАХ ПӖЛӖР

4. Ҫынна камне кура ан уйӑрӑр

Эпир тӑвансене пурне те юратасшӑн. Анчах та пире хамӑртан питӗ вӑйлӑ уйрӑлса тӑракан ҫынпа хутшӑнма йывӑр пулма пултарать. Пире мӗн пулӑшма пултарать? Апостолсен ӗҫӗсем 10:34, 35 вулӑр та ҫак ыйтусене сӳтсе явӑр:

• Иегова хӑйӗн ҫемйине тӗрлӗ ҫынсене йышӑнать. Эсир хӑвӑртан уйрӑлса тӑракан ҫынсем ҫине Иегова пӑхнӑ пек пӑхас тесе мӗн тума пултаратӑр?

• Эсир пурӑнакан вырӑнта ҫынсен ыттисене камне кура уйӑрасси пур-и? Вӗсем ыттисене мӗне пӑхса уйӑраҫҫӗ? Мӗншӗн эсир хӑвӑра ҫавӑн пек тытасшӑн мар?

2 Коринф 6:11—13 вулӑр та ҫак ыйтӑва сӳтсе явӑр:

• Сире хӑвӑртан питӗ вӑйлӑ уйрӑлса тӑракан тӑвансене юратма вӗренме мӗн пулӑшӗ?

5. Чун-чӗререн каҫарӑр тата мирлешӗр

Иегова пирӗн умра нихӑҫан та айӑпа кӗмӗ, ҫавӑнпа та пирӗн ӑна нихӑҫан та каҫарма тивмӗ, ҫав-ҫавах Иегова пире чун-чӗререн каҫарать. Исаия 55:7 вулӑр та ҫак ыйтусене сӳтсе явӑр:

• Ҫак сӑвӑ йӗркинчен Иегова мӗнле каҫарни ҫинчен эпир мӗн пӗлтӗмӗр?

• Иегова ҫавӑн пек каҫарнӑшӑн эсир ӑна пархатарлӑ-и? Ӑнлантарса парӑр.

• Мӗнле лару-тӑрура сире ыттисемпе килӗштерсе пурӑнма йывӑр пулма пултарать?

Иеговӑран тӗслӗх илес тесе тата пухури тӑвансемпе килӗштерсе пурӑнас тесе эсир мӗн тума пултаратӑр? Ытарӑшсем 19:11 вулӑр та ҫак ыйтӑва сӳтсе явӑр:

• Кам та пулин сире ҫиллентерет тата кӳрентерет пулсан, ҫак йывӑрлӑха татса парас тесе эсир мӗн тума пултаратӑр?

Хӑш-пӗр чухне эпир ыттисене кӳрентеретпӗр тата ҫиллентеретпӗр. Ҫавӑн пек чухне пирӗн мӗн тумалла? ВИДЕО пӑхӑр та ҫак ыйтӑва сӳтсе явӑр.

ВИДЕО: «Пӗр-пӗринпе килӗштерсе пурӑнӑр та пиллӗхсем илӗр» (6:01)

• Хӗрарӑм тӑван мирлешес тесе мӗн турӗ?

6. Пухури тӑвансенче лайӑххине курма тӑрӑшӑр

Пухури тӑвансемпе ҫывӑхрах паллашсан, эпир вӗсен лайӑх енӗсене тата вӗсен ҫитменлӗхӗсене курма пуҫлатпӑр. Пуринчен малтан пире вӗсен лайӑх енӗсене курма мӗн пулӑшӗ? ВИДЕО пӑхӑр та ҫак ыйтӑва сӳтсе явӑр.

ВИДЕО: «Ӑнланма пӗлни пире илемлӗрех тӑвать» (5:12)

• Пухури тӑвансенче лайӑххине курма пире мӗн пулӑшӗ?

Иегова пуринчен малтан пирӗн лайӑх енсем ҫине пӑхать. 2 Ҫулсеренхи 16:9а вулӑр та ҫак ыйтӑва сӳтсе явӑр:

• Иегова пуринчен малтан сирӗн лайӑх енсене асӑрхать, ҫакна пӗлни сирӗн ҫине мӗнле витӗм кӳрет?

ТӖП ШУХӐШ

Эсир ыттисене каҫарнипе тата пухури тӑвансене пурне те юратнипе пухури пӗрлӗхе упраса хӑварма пулӑшатӑр.

Вӗреннине аса илни

• Ҫынна камне кура уйӑрас мар тесе эсир мӗн тума пултаратӑр?

• Сирӗн тепӗр христианинпа хирӗҫӳ сиксе тухсан, эсир мӗн тунӑ пулӑттӑр?

• Мӗншӗн эсир Иегова ыттисене каҫарнӑ пек каҫарма вӗренесшӗн?

ТӖПЧЕМЕЛЛИ

Иисус илсе панӑ тӗслӗх пире ыттисене айӑплама пӑрахма мӗнле пулӑшни ҫинчен пӗлӗр.

«Куҫӑнти пӗренене кӑлар» (7:01)

Эпир хамӑр ним япӑххи те туман тесе шутлатпӑр пулсан, пирӗн каҫару ыйтмалла-и?

«Извинения — ключ к примирению» («Сторожевая башня», 2002 ҫулхи ноябрӗн 1-мӗшӗ)

Хӑш-пӗрисем ҫынна камне кура уйӑрмасӑр пурӑнма мӗнле вӗреннине пӑхӑр.

«Ҫынна ҫиелтен пӑхса хак ан парӑр» (5:06)

Сирӗн кампа та пулин хирӗҫӳ сиксе тухрӗ пулсан, ҫакӑ пухури мире ан аркаттӑр тесе эсир ҫав йывӑрлӑха мӗнле татса пама пултарнине пӗлӗр.

«Хирӗҫӳсене юратупа татса парӑр» («Хурал башни», 2016 ҫулхи май)