Ҫынсем патне хӑҫан тепӗр хут каймалла?
1. Вӗренекенсене хатӗрлесси шутне мӗн кӗрет?
1 Вӗренекенсене хатӗрлесси шутне Турӑ Патшалӑхӗ ҫинчен пӗлес текенсем патне, пурин патне те, тепӗр хут кайни кӗрет (Матф. 28:19, 20). Вӗсем патне тепӗр хут хӑш вӑхӑтра кайсан лайӑхрах пуласси пирки шухӑшланӑ чухне эпир хамӑрӑн графика тата вӗсен лару-тӑрӑвӗсене шута илетпӗр. Ҫынсем патне пӗрремӗш хут килнӗ хыҫҫӑн, мӗншӗн пирӗн тӑхтаса тӑмасӑр вӗсем патне тепӗр хут каймалла?
2, 3. Мӗншӗн пирӗн ҫынсем патне пӗр тӑхтамасӑр тепӗр хут каймалла?
2 Мӗншӗн тӑхтаса тӑмалла мар? «Турӑ Патшалӑхӗн ырӑ хыпарӗ» ҫинчен пӗлтерсе ҫӳрес ӗҫ кӗҫех вӗҫленет, мӗншӗн тесен ҫак усал тӗнчен пӗтес вӑхӑчӗ питӗ ҫывӑх (Матф. 24:14; 1 Пет. 4:7). «Ҫӑлӑнас кун» хальлӗхе вӗҫленмен-ха тата ырӑ хыпарпа интересленекенсен ҫӑлӑнма май пур, ҫавӑнпа та Турӑ сӑмахне вӑраха ямасӑр каласа тӑмалла тенӗ сӑмахсене тытса пымалла. Ҫакӑ, ҫавӑн пекех, интересленекен ҫынсен интересӗсене малалла та аталантарас тесе вӗсем патне пӗр тӑхтамасӑр тепӗр хут каймаллине пӗлтерет (2 Кор. 6:1, 2; 2 Тим. 4:2).
3 Интересленекен ҫынсен чӗрисенче акнӑ Турӑ Патшалӑхӗн сӑмахне Сатана илсе каясшӑн питӗ тӑрӑшать (Марк 4:14, 15). Ҫавӑнпа вӗсем час-часах хӑйсен кил-йышӗнчисем, пӗрле ӗҫлекенсем тата ытти ҫынсем тӑрӑхласа кулнине тӳсеҫҫӗ. Ҫынсем патне пӗр тӑхтамасӑр тепӗр хут каятпӑр пулсан, эпир пӗрремӗш хут килсен вӗсемпе мӗн ҫинчен калаҫнине малалла тӑсма пултаратпӑр, вӗсен пӗлес кӑмӑлне никама та пусарма памастпӑр.
4. Ҫынсем патне тепӗр хут килме мӗнле калаҫса татӑлмалла?
4 Ҫийӗнчех калаҫса татӑл. Пӗрремӗш хут килсе калаҫнӑ чухнех тепӗр хут хӑҫан килесси пирки калаҫса татӑл. Сӑмахран, тепре килсен мӗнле ыйту сӳтсе явасси пирки каласа хӑвар. Ҫын пирки тата мӗн ҫинчен калаҫни пирки тӗплӗн ҫырса хур. Хӑвӑн графикна шута илсе, эсӗ унпа тепӗр кун е ҫывӑх вӑхӑтра тӗл пулма калаҫса татӑлма пултаратӑн. Эсӗ ҫынпа канмалли кунсенче калаҫрӑн пулсан тата вӑл эрне варринче ӗҫлет пулсан, вара, тен, калаҫӑва тепӗр канмалли кун малалла тӑссан вырӑнлӑ пулӗ. Хамӑрӑн сӑмаха тытмалла тата палӑртнӑ вӑхӑта пымалла (Матф. 5:37).
5. Иисус хушнӑ ӗҫе — вӗренекенсене хатӗрлес ӗҫе — эпир ҫынсем патне вӑраха ямасӑр тепӗр хут кайнипе мӗнле пурнӑҫлама пултаратпӑр?
5 Ҫынсем патне вӑраха ямасӑр тепӗр хут кайма пирӗн пур сӑлтавсем те пур. Вӑхӑт сахал юлнӑ, ҫавӑнпа та ҫын патне тепӗр хут килме калаҫса татӑл тата ҫакна вӑраха ямасӑр ту (1 Кор. 7:29). Турӑ Патшалӑхӗн хыпарӗпе интересленекен ҫын патне май пур таран хӑвӑртрах килетпӗр пулсан, пирӗн калаҫу ӑнӑҫлӑрах пулӗ.