«Хӑвӑра Туррӑн юратӑвӗнче сыхласа усрӑр»
1. «Хӑвӑра Туррӑн юратӑвӗнче сыхласа усрӑр» ятлӑ кӗнекене мӗнле тӗллевпе кӑларнӑ?
1 Ҫак эрнерен пуҫласа эпир пухӑвӑн тӗлпулӑвӗсенче «Хӑвӑра Туррӑн юратӑвӗнче сыхласа усрӑр» ятлӑ ҫӗнӗ кӗнекене сӳтсе явма пуҫлӑпӑр. Ертсе пыракан совет Иеговӑна юратакансенчен кашни валли ҫырнӑ ҫырура ҫапла каланӑ: «Ҫак кӗнеке сана чӑнлӑхпа килӗшӳллӗ пурӑнма тата хӑвна Туррӑн юратӑвӗнче сыхласа усрама пулӑшасса чун-чӗререн шанса тӑратпӑр. Ҫакӑ вара ӗмӗрлӗх пурнӑҫ патне илсе ҫитерӗ (Иуда 21)».
2. Пурнӑҫра хӑш-хӑш енчен ҫак ҫӗнӗ кӗнеке усӑллӑ пулӗ?
2 Мӗн-мӗн сӳтсе явӑпӑр. Ҫемьере, туссене тата вӑйӑ-кулӑпа кану суйланӑ чухне, кулленхи калаҫура, хамӑр йӑла-йӗркесем тата пуҫлӑхсене хисеплес енчен Библири мӗнле принципсемпе усӑ курма пултаратпӑр? Эпир хамӑр совеҫе — вӑл Турӑ Сӑмахӗнче ҫырса хунӑ тӳрӗлӗхӗн пысӑк нормисемпе килӗшӳллӗ пултӑр тесе — вӗрентме пултаратпӑр (Пс. 18:7, 8). Иегова мӗнле шухӑшланине лайӑхрах ӑнлансан, пирӗн Ӑна чун-чӗрен юрӑхлӑ пулас кӑмӑл пулӗ, вара ҫакӑ пире хамӑр пурнӑҫра ӑна пур енчен те пӑхӑнса тӑма хавхалантарӗ (Ытар. 27:11; 1 Иоан. 5:3).
3. Мӗншӗн пирӗн кашни эрнере ҫак кӗнекене сӳтсе явма хутшӑнас тесе вӑй хумалла?
3 Сӳтсе явма хутшӑн. Хатӗрленнӗ чухне пуху тӗлпулӑвӗсенче Турра мухтас тесе тӗллев ларт (Евр. 13:15). Ҫак ҫӗнӗ кӗнекене эпир пухура пӗрле вӗренӗпӗр. Сӳтсе явмалли материал ытла нумай пулманни пире килте лайӑх хатӗрленме май парӗ, вара мӗн пӗлнине пухура каласа пама пултаратпӑр. Шухӑшласа, кӗскен каланӑ хуравсем ыттисене пӗр-пӗрне юратма тата ырӑ ӗҫсем тума хавхалантарса тӑрӗҫ, ҫавӑн пекех материала тӗплӗн тата хавхалануллӑн сӳтсе явма пулӑшӗҫ (Евр. 10:24). Унсӑр пуҫне, хамӑр ӗненӗве ҫавӑн пек кӑтартнипе эпир пысӑк савӑнӑҫ илӗпӗр.
4. Мӗншӗн Иегова хушнине туса тӑни питӗ кирлӗ?
4 Иисус ҫӗр ҫинче пурӑннӑ чухне, юлашки каҫ, Иегова хушнине туса тӑрсан кӑна Туррӑн юратӑвӗнче тӑрса юлма пулать тенӗ (Иоан. 15:10). «Туррӑн юратӑвӗ» кӗнеке пире Библи принципӗсене кашни кун тытса тӑрас енчен тата хамӑра «Туррӑн юратӑвӗнче» сыхласа усрас енчен ҫирӗп шухӑш тытма пулӑшӗ (Иуды 21, ҪТ).