Урӑх чӗлхепе кӑларнӑ литература питӗ кирлӗ пулсан
Эпир хӑш-пӗр чухне пирӗн литературӑна урӑх чӗлхепе вулас текен ҫынсене тӗл пулатпӑр, ҫав чӗлхепе литература вара сирӗн пухура пулмасан та пултарать. Интернета кӗме тата принтерпа усӑ курма май пур пулсан, литературӑна 400 чӗлхене яхӑн эсӗ хӑвах копи туса илме пултарнине пӗлетӗн-и? Акӑ мӗнле ҫакна тума пулать:
• Хамӑрӑн веб-сайта www.watchtower.org адреспа кӗр.
• Тӗп страницӑн сылтӑм енче чӗлхесен тулли мар списокне кӑтартнӑ. Чӗлхесен тулли списокне курмашкӑн ҫӗр чӑмӑрне ӳкернӗ ӳкерчӗк ҫине пус.
• Хӑвна кирлӗ чӗлхене суйласа ил те ҫавӑн ҫине пус. Эсӗ литературӑна хӑш чӗлхепе принтер витӗр хут ҫине кӑларма шут тытнӑ, ҫав публикацисене е вӗсен пайӗсене — трактатсене, брошюрӑсене тата уйрӑм статьясене — кӑтартакан страница уҫӑлать. Ҫак чӗлхепе мӗн ҫырнине ӑнланман пирки темӑсен ячӗсене вулаймастӑн пулсан ан кулян.
• Пӗр-пӗр темӑна суйласа ил те ун ҫине пус, вара экран ҫине ҫав статьян тексчӗ тухать. Браузерӑн пичетлемелли мелӗпе усӑ курса текста принтер витӗр кӑларма пултаратӑн.
Пирӗн веб-сайтра хӑш-пӗр публикацисем кӑна пур. Ытти публикацисене пуху урлӑ илме пулать. Ҫын чӑнлӑхпа интересленет пулсан, ӑна валли литературӑна пуху урлӑ заказ туни лайӑхрах.