«Хӑвна валли шутсӑр нумай... ан ыйт»

45:2—5

Варух нумай вӗреннӗ ҫын тата патша керменӗнчи пуҫлӑх пулнӑ пулмалла. Вӑл Иеговӑна пуҫҫапнӑ тата Иеремийӑна шанчӑклӑн пулӑшса тӑнӑ, анчах пӗррехинче вӑл чи кирлине мала хума пӑрахнӑ. Варух хӑйне валли «шутсӑр нумай» ыйтма пуҫланӑ. Ҫак «шутсӑр нумаййи» шутне аслӑ вырӑн е пысӑк пурлӑх кӗме пултарнӑ. Иерусалима тӗп тӑвас вӑхӑт ҫывхарса пынӑҫемӗн Варухӑн, чӗрӗ юлас тесен, хӑйӗн шухӑш-кӑмӑлне улӑштармалла пулнӑ.